السلام عليكم ورحمة الله وبركاتة
منقول
ورد حولها الكثير من الجدال وهي قصيدة المرحوم//
شرعان(ابن فاران) ابن عيسى بن ناصر بن حسن بن ناصر بن حمود بن عميره بن حمام.........
وابن فاران ليس جدا ولكنه لقب.
والقصه بدات عندما حاول( شرعان )البدء بامر عارضه ابناء عمومته عليه فقام ابو زوجته بالضغط على زوجة شرعان بان تثنيه عن ماهو عازم عليه لما فيه من سفك
الدماء من غير وجه حق.
وفعلا انصاعت المراه لاوامر ابيهاومنعت زوجها من النوم معها حتى يلبي لها طلبها فعندما علم بمطلبها
لم يتمالك نفسه بان امراة تقرر مايفعل وما لايفعل
فضربهاوطلقها فورا واخذت اغراضها وروحت لاهلها.
وكان هناك دايس ودربــــــاس وهما الشيوخ (شيوخ الدين) فحرموها(زوجته)عليه وذلك بعد ان دار خلف الكواليس بين اهل جبه واعمام شرعان من جهه والشيوخ
من جهة اخرى وامروه بالخروج من جبه بعد ان عللوا كلامهمابانه يدعو الى التفرقه وسفك الدماء بغير وجه
حق.
فرحل شاعرنا وفارسنا مشملا بعد ان هدر دمه واعطي الثلاث المهربات الى ان وصل الى المنتفق ومكث عندهم وله قصيده في هذا الخصوص ربما نوردها فيما بعد
والقصيده التاليه هي للشاعر نفسه عندما تذكر زوجته
وحن الى دياره ويقول فيها:
يا راكب ثنتين يشدن الأقــــــــواس =من دار ريضان الحجر حركنــــني
مافوقهن كود الدويرع وجــــــــلاس=وسفايفن بين اربعه يلعبنــــــي
تحركن من عندنا حين الأدمــــــــاس =ومضي سواد الليل مابركنــــــي
حطن علم عذفا يسار من الـــــــراس =والظهر مع ورد الحفر يشربـــــني
حطولهن مع هشلت الحضربـــــــلاس=الحضر ولي بالخلاء يسرحــــــني
وليا لفيت عند مدقوق اللعـــــــاس=الجادل اللي بالمحبة فتـــــــــني
قولو على حبل الرجاء نطوى اليــــاس=والبيض غيره كلهن يحرمــــــــني
لو يندوي جرحي دويتةبقــــــواس=وابني رفاف البيت منك ومـــــــني
ياعم يالي طعتبي هرج الأنجــــــاس=طاوعت هرج الناس وخلفت ظــــــني
طاوعتبي ياعم دايس ودربــــــاس=عوارضن صدقتها وابعــــــــــدني
من لاخذا من درس الأسلاف نبـراس=تمضي حياته بالرجاء والتمـــــــــني
اقفيت اجر بضامري كل هـــوجاس=على وليف بالحشاء غاب عــــــــني
تكفي خواطرهم ليا جيت عســـاس =لا تقل انا منهم ولا صار مـــــــــني
ومريت دار ما تقل جتها الأونـــاس=ونيت ودموع العيون ذرفــــــــــني
وجيت المراح اللي به العشب محتــاس=عشب على مبسط فراشه يعــــــــــني
محذا سماد النار ومشاقة الــــراس=وثلاثة لا يبكن ولا ينبكــــــــــــني
لي بنت عمن ماوطت درب الأدناس=مادنست يوم النساء يدنســــــــــــني
ظربتها وان احسب الظرب نوماس=وطلقتها يوم افخت العقل مـــــــــــني
يا ناس كيف العين تبكي على ناس=وكيف العيون بلا رمد يسهــــــــــرني
لو ينشكي حبه على ذيب الأخماس=يسرح مع الطـليان ولا يجفــــــــــلني
ولو ينشكي حبه على الطيرقرناس=أضحي الضحاء بموكره مستكــــــــــني
ولوينشكي حبه على قب الأفراس=عين نـهار الكون لا يفزعــــــــــــني
ولو النجوم اللي مع الليل غلاس=يدرن مابقلبي لقلبه بكــــــــــــــني
ولو البيوت مشددينه بالامراس=عين مع الخفرات لاينبنـــــــــــــــني
نطيت ضراس من فوق الأطعاس=ولا لوم طراد الهواء لو يجــــــــــــــني
وهليت دمع العين ووميت بالراس=ورفقت كور الصيد ياما بكــــــــــــني
ولو ان غوطة وام سلمان وضراس=تدري مابقلبي لقلبه افزعـــــــــــــني
تلقي سهل جبة هضوض ومحتاس=وراس الجبل بالقاع صار متثــــــــــــني
انا زبون الحرد للخيل بساس=لاكلشن شقر الشوارب نخــــــــــــــني
نفسي تشوم التدلبح مع الساس=ولا عاش منهو عن خصيمه يكــــــــــــني
ومن شيدو زبنه على ضيد وضراس=ليا نسيت رسومهم ذكــــــــــــــرني
ياعم انا لي طلبت الراس بالراس=يا عم شوف رسومهم ما محـــــــــــــني
لو صرت انا المقلاع ماشلت الأضراس=والموس ما يقطع بليا مســــــــــــــني
ويصار ما ربعك على الراي جلاس=وجنحان طيران السعد يلفحــــــــــــني
تصير دومن للصقاقير مـدواس=مثل الذي يسمع صفير المغـــــــــــــني
والله يالولا بكرة يابونــواس=حبه سكن بالقصي الضماير مكــــــــــــني
ولله لوهي ماتبيني فلا بـاس=لاشك خبثان النفوس طــــــــــــــردني
وانا احمد اللي خالق كل الأنفاس=وجعل وساع القاع ما فيه مـــــــــــــني
دارن بدار ولا منحات الأنجاس=ياصار ما يمناك عينك تقـــــــــــــــني
في بلدة الغرارمع جملةالناس=ولاني بمن يرجي الخلايق تحـــــــــــــني
دارن بها الأكرام والطيب له ساس=دايم تذكرني لــيالن مضــــــــــــــني
ولم يتزوج بعدها حتى وافاه الاجل ومات ولم يخلفه
احد اذ لم ينجب لاابنا ولابنات لامله بالرجوع ولكن
هيهات.
رحمه الله
ومن شواهد القصيده
غوطة: جبل يحد جبه من غرب
وام سلمان: جبل يحد جبه من شرق
وضراس :جبل يحد جبه من شرق
تحياتي لكم ...
27-07-2007, 08:30 PM
العرض العادي
