ملل

[العـتيبي]

أباخذني الي أهون , من اني اتركن وانسان
تعبت أقول: ابي اعقل,وانا اهدي مجانيني

لقيت الدنيا:مبصرة,مثل مايكرهه عميان
أهشهشها عن اخطائي..عصاي تقيد ايديني

اسوق اقداري لـ حتفي عسى حتفي: ذوات أفنان
غباء بـ آعيد تعريفي, واسمي جوعي: التين

أنا من وين ماأيمم جهاتي تفتقد عنوان
أروح بعييد وأسألني :أمانه ياأنا ويني

أبي كيفي : طليق وحر وعصفور:فرد جنحان
تعبت اكذب!وصدقي ذنب ترسب بيني وبيني

أخاف انه يقيني:جدب,وشكي:وارف الاغصان
وأخاف ان شكي:دروب:يقينه:خطو رجليني

ملل هذا الفضاء:السجن,ملل اني: انا السجان
ملل اني اقدي: الناس ,ولا القى من يقديني

أحس اني:غدو منفي احس اني:رواح اوطان
احس اني ابي موطن ولما استوطن انفيني

ملل: اني ابي ضوء يدوجرني لـ حد ادمان
ملل: اني انا: اعمى, ولا يدهش احد عيني

ملل:هذا الملل فيني ملل: صوتي يجي كتمان
ملل: اني ابي احكي,وصوتي مايكفيني

...................................
وابـ أغني,وأبي اغني : او اتركها تغنيني

[فــلاح]

صح ألساانك على المشاعر الجيااشه يالعتيبي


ولاهنت فانتظاار ما ينزفه قلمك ..

[العـتيبي]

احم احم هذا نص مو لي ...هذا لعبدالرحمن الخضر


عموما اشكر مرورك

[كنتـ هايم ـرول]

هههه طيب صح لسانه وانت لا هههه لاهنت على النقل