ابي وسوم بيته والسدرة الي تباريه...

[اللي على الحكم عيا]

أخواني هذه عدة أبيات كتبتها لابن عمتي (أبو يزيد) أسئلة عن موقع واحداثي قبر جدي لابي والذي توفي في وادي يقال له (رمروم) يقع بين محافظة الخرمه ومحافظة الطائف في غرب المملكة العربية السعودية , وقد سمي هذا الوادي باسم جدي بعد ان دفن به , ولأنه يقع في بر خالي فقد اهتممت للذهاب إليه وتجديد قبره بعد رؤيا والدي في المنام يحثني على ذلك ...أخواني قد يقول بعضكم أني أبالغ او اسطر أسطورة ولكنها الحقيقة ويعلمها الكثير من الناس الذين اطلعوا على القصة وأبيات الشعر التي هي معبرة عن الموقف أكثر من أنها جزلة كما يقال ...وقد قام على تجديد القبر أبناء عمتي شكر الله لهم

أنت حدي الذيب تسري مساريه = سود الليالي ما يهمك كدرها
مجربا صنوف الوقت مره وحاليه=تدخل بحور ألمرجله وتعبرها
بالطيب ساسك وأنت قدرة وراعيه=وراعي العلوم اللي ينومس خبرها
بنشدك عن وادي جعل السيل يرشيه=به عود بعروقك دماه تسايل نهرها
وادي تسمى بزمزوما سكنه وراعيه=ومن اول الميم والراء به كثير عمرها
يا ابو يزيد عندي وصاة من واحد يغليه=يسال عن بيته هو عاين لكل من نظرها
يا اخوك ابي وسوم بيته والسادرة الي تباريه=بحقق وصاة غاليا هو حياتي وقمرها

[مرهف إحساس]

السلام عليكم ورحمة الله وبركاته

الله يرحمة وصح لسانك يابو فيصل قصيده جزلة

دمت بود

[اللي على الحكم عيا]

يا حبيلك يا راشد...دايم تجبر بخاطري

تقبل تحياتي

ابو فيصل

[اللي على الحكم عيا]

راشد ابي انزل صورة القبروالسدرة التي تباريه (عندي بالجوال)...لان اشوف انك تكتب شي بورقة بغرفة النوم وتحطه تحت الفراش يكتبه واحد بالنت ولا يذكر اسمك ثم تفشل مع الناس تقولهم حقتي يقولون قارينها وهذا الرابط وكان الرابط صك محكمة ما يدرون ان النت لمن هب ودب ...وهذي القصة موثقة بالاسماء والصور ومعروف تفاصيلها ...والله صرت اخاف اكتب ...خلني بالصحافه اسلم

[زبون المراجل]

اولاً صح لسانك اخوي ابو فيصل_والله يرحم جدك و يسكنه الجنة_وموتى المسلمين اجمعين

و ثانياً : نصيحة لوجه الله اذا انت تعرضت للسرقة او التشكيك_والمؤمن لا يلدغ من جحر مرتين


اي شي تكتبه ذيّله بأسمك_و انتهى الموضوع ولا راح احد يشكك فيك او يسرقك
وانا لا اشك فيك ابداً حتى لو لم تكتب اسمك


زبـــــون

[اللي على الحكم عيا]

اخي زبون المراجل ...كثر الله من امثالك ولك كل التقدير ...ولكن حصل في ابيات كتبتها
هنا وتحديت اخوان كانوا على صواب حين قالوا ان هذه الابيات موجودة في اكثر من منتدى
وحين بحثت وجدت انهم على حق ...بل ان بعض قصصي منقولة لاكثر من عشرة منتديات وباسماء اخرين ..وبعضهم جزاهم الله خير ذكر انها لي ...على كل حال هذي تجربه ولن
تكون الاخيرة ...
اخوك اللي على الحكم عيا

[فلاح بن ملبز]

الله يرحم شيبانك ويسكنهم الجنه

وصح لسانك يا ابو فيصل

ولاهنت

[اللي على الحكم عيا]

اشكرك اخوي فلاح ...شكر الله لك وتقبل منك الدعاء ...وشمل به موتاكم وموتى المسلمين
تحياتي