جربت مالا جربوه الرجاجيل

[مناف بن غضيف]

السلام عليكم
اسمحو لي ان اقدم اول مشاركاتي بينكم مع التمني بنيل الاعجاب

جربت مالا جربوه الرجاجيل=وفي دنيتي شفت الجهر والهوايل
اسهر مع الهاجوس لي تالي الليل=وابني قصور بكل صبح تهايل
واسرح مع السراح واجاهد الويل=واصبر على الرمضا وكي القوايل
واضحك مع الداله واغطي بتمثيل=حتى مع اقرب ناس قمت اتحايل
من شان ماتبدي علي الغرابيل=ويشمت علي اللي عن الحق مايل
حيثي من رجال ن قروم ومشاكيل=من مجدهم يغتاض روس القبايل
لي ثار عجات الركايب مع الخيل=واشتبكو العيال مع كل عايل
رقو على العليا بحد المصاقيل=ونالو بضرب كفوفهم كل نايل
وان زانت الدنيا وصارت تساهيل=وكلن على ماطاه حط الرحايل
كل ابلج ن ناره عليها المعاميل=ابهارها على ضهرها تسايل
تلقى ضيوفه تشتهي للفناجيل=اللي تداوي من به السقم طايل
وقرى الضيوف سمان ضان ن مع حيل=من فضل رب الكون معطي الفضايل
وعزي لمن عمره غدى مامعه حيل=وما بان عزه مع عيال الحمايل
قلت القصيده دون شرح ن وتفصيل=وفي لابتي يا كثر قول المثايل
قلته وان يامي ويام ن قناديل=يلقى بهم من تاه رشد ودلايل
وكلن يحصل في حياته محاصيل=كل القبايل للمراجل تخايل
قلته ولا اقصد في المخاليق تقليل=حنا اصايل والقبايل اصايل
وتمت وصلو عد وبل المخاييل=على النبي صلو عريب السلايل

[ناصر العظيمان]

ونعم يا مناف


واضحك مع الدالـه واغطـي بتمثيـل
حتى مع اقرب نـاس قمـت اتحايـل
مـن شـان ماتبـدي علـي الغرابيـل
ويشمت علي اللي عـن الحـق مايـل

الله هالله

صح لساانكـ وحسكـ

نترقب منكـ القااادم

تحيااااتي

[غنآتي]

صح اسانك لاهنت ..

[خالد بن نفل]

صح لســـــانك
ولاهنت وتقبل مروري

[فيصل ال رشيد]

صح السانك

[ناصـر محمد المجروب]

ونعم يا منيف

صح لسانك على ذا الجزله

وانت كفو وتحري بها

لاهنت لاهنت

[مناف بن غضيف]

ناصر بن مبارك
صح بدنك
ابشر با الخير دوم
انشاء الله اقدم اللي يطيب خاطرك
دمت بود

[مناف بن غضيف]

بشاير العدواني
صح بدنك
ولاهنتي على المرور
دمتي بود

[مناف بن غضيف]

الهتلاني
صح بدنك
ولاندمت ياالنشمي
مرورك على الرحب والسعه
تحياتي وتقديري

[مناف بن غضيف]

فيصل ال رشيد
حياك يا بعدي وصح بدنك
دمت بود