للطيب طيب وللمواقف رجاجيل

[عيد بن شدقان]

للطيب طيب وللمواقف رجاجيل =وللخيل سرج وللركايب الأشدّه
والحجه اللي مايجيها حلاحيل=تبطي وهي هدّه وتاتي بهدّه
والوقت بيـّـن لي رجال(ن) معاليل=باصد منها صدتي والله صدّه
والقلب لاصارت عروقه مغاليل=ماينفعك راعيه لو زاد ندّه
والشيخ لاصارت يدينه مكابيل=إليا اعتزا في الضيق ينفه جدّه
والرجل لاصارت قصوره مداهيل=الطيب طيبه والردي مايعدّه
نسل الرجال اللي فحول(ن) مشاكيل=افعولها طول الدهر مستبدة
أهل الكرم والطيب واهل المعاميل=ستر الرفيق ومن غدى الوقت ضدّه
ماتنهزع من قايل القال والقيل =اسيوفها طول الدهر مستعدّه
ياليل ياماسك حلوق المهابيل=ياستر ناس(ن) فاقدين المودّه
الطير ابو جنحان راعي المقابيل =يعجبك لامنـّـه كفخ في مردّه
طير(ن) مسمينه على أبو مظاليل=واتلى العهد به يوم لوّح بيدّه
قد له ثمان سنين يلبس خلاخيل=وارموشه السودا تخابط بخدّه
وانا على الدنيا مخاوي رجاجيل =ومالي ومال مكبرين المخدّه

للشاعر / عبيان اليامي

[مـحمـد]

لاهنت يالراكد وماقصرت
وصح لسان الشاعر عبيان اليامي
وقصيدته المشهوره نار على علم
ALAJMI

[نبض المعاني]

وانا على الدنيا مخـاوي رجاجيـل
ومالـي ومـال مكبريـن المخـدّه

صح اسانك يالراكد ولسان الشاعر عبيان

[الشامرى]

قصيده رائعه
صح السان ناقلها وشاعرها

لك تحياتى ،،،

[ابوتركى]

ياليـل ياماسـك حلـوق المهابيـل
ياستـر نـاس(ن) فاقديـن المـودّه


تسلم على النقل الجميل راكد

[عيد بن شدقان]

ALAJMI
ولا انت واشكرك على المرور

[عيد بن شدقان]

ابن زابن
صح بدنك
ولا هنت
واشكرك على المرور

[عيد بن شدقان]

الشامرى
صح بدنك
ولا هنت
واشكرك على المرور

[عيد بن شدقان]

ابوتركى
لاهنت
واشكرك
على المرور

[خميس سحمي]

لاهنت على القصيده الجزله