غطاوي كويتيه.....

[كويتيه]

السلام عليكم ورحمه الله وبركاته

اليوم يبت لكم غطاوي كويتيه بس صرت كريمه و حطيت الحل..

انشالله يعجبونكم





1- اذا تليت حزامه ، تهلهلت عظامه .
تليت : سحبت ، تهلهلت : تناثرت

= الخيمة

2- منحازنا منحاز حلب ، نصه شاخ ، ونصه ذهب .
منحاز : إناء ، نصه : نصفه ، شاخ : فضة

= البيضة

3- إذا أكلت أوله مت ، إن أكلت آخره مت ، إن أكلته كله عشت .

= سمسم

4- بنت الملك لابسة ألف تنورة ، و جالسة في الجورة .
تنورة : ثوب نسائي ، الجورة : الحفرة

= الملفوف

5- واقف عالحيطة ، لابس برنيطة .
الحيطة : الحائط ، برنيطة : القبعة

= المسمار

6- جانا طارش من ديرة ، تراب ما فيها ، قلطنا له لحمتين عظام ما فيها .
طارش : ضيف (رسول) ، قلطنا له ، قدمنا له

= الطفل الصغير الذي يطلع من بطن أمه فيرضع من ثدييها

7- يسقط بليا صوت .
بليا : بلا

= القطن

8- يمشي على رأسه ، و ينطق بلا لسان .

= القلم

9- رقيق طحنه ، لذيذ طعمه ، ينبت عظمه على لحمه .

= البيضه

10- بنتنا بزة ، بالقاع مرتزة ، تفصخ الثوب الأحمر ، و تلبس الجزة .
بالقاع : بالأرض ، مرتزة : ثابتة مستقرة : تفصخ : نخلع ، الجزة : الثوب السميك

= البصل

11- قبة خضرا ، متروسة عبيد ، القفل قفل الله ، و المفتاح حديد .
متروسة : مملوءة

= الرقية

12- حلزق ، بلزق ، في كل شي يلزق .

= الاسم

13- بنت العجم تراطني و أراطنها ، و قليبي خايف من براطمها .
تراطني : تتحدث إلي بلغة غير عربية ، براطمها شفاهها

= البندقية

14- الصبح ينباع ، و الظهر ينباع ، و بعد العصر ما ينباع .

= البرتقال أو الليمون

15- أصله من الطين ، و يعشي المساكين .

= الفقع

16- أسألك عن حرمه ، لها ريال ، و دايما متابعها .
ريال : رجل

= الابرة والخيط

17- شيء خيره في بطنه وشره بظهره

= الجدر ( القدر )

18- شيء خيره بظهره وشره ببطنه

= التاوه


19- مغاره ومليانه حجاره

= الفم

20- حي جاب ميت ، والميت جاب حي

= الدجاجة والبيضة

21- بنت البدو ولحمها كاسيها ، تشرب الماي وجنس العظم ما فيها

= الفقع

22- بياضه بياض القطنه ، وإن سحبناه إنتفخ بطنه

= الشراع

23- انشدك عن شى يسكن الجبال ويجلس مجلس الرجال ويلبس لبس الحريم؟

=الصقر

24- انشدك عن سته يمشون بدرب الهوا لقينا جرة الاول والخمسه ماشفناهم؟
الجرّه : الأثر

=القلم

25- بنتنا بالصندوق وصوتها بالسوق؟

=النيره الذهب

26- اخضر بالسوق واحمر بيد امك؟

=الحنه







منقول

لكم مني كل التحيه

[كويتي]

لاهنـــتي يا كويتـــيه على هل غطـــاوي
جنج حبـــابه على هذي الغطاوي

مبروك عليج الشهــر

كويتي

[كويتيه]

عليناا وعليك يا كويتي

تسلم على مروورك الكريم

[هند]

ياهلا والله
تسلم الأيادي ياكويتية على هالغطاوى الحلوة


كل عام وإنتى بألف خير


السؤدد

[ابوتركى]

غطاوى جميله كويتيه

لك التقدير على مااقدمتى

[حبيب]

غطاوى جميله كويتيه

لك التقدير على مااقدمتى

تحياتي

[كويتيه]

السؤدد..

بو اتركي


حبييب


يعطيكم العافيه على مرووركم الكريم
و كل عام وانتم بالف خير

[غنواوى]

تسلمين على هالغطاوى

بس كلهم سهلين

كل عام وانتى بخير 0

[كويتيه]

اي اولله انا معاك سهلييييييين بس حلوين

على العمووم تسلم على مروورك الكريم

وكل عام وانت بالف خير

[ابوحمد الشامري]

مشكووورة يا اختي كويتية على هذا الموضوع الطيب وما قصرتي وبيض وجهش.

ابو حمد الشامري