آمــــــــــــــــي باب الجنه

[لاتغرك ضحكتى]

مـــن غـــيــبــــتــــك صـــاب الــــمـــشـــاعــر مــــجــــاعــــه !!!

------------

مـــــــــــــدخــــــــــــــل
يوم زار الموت بيتي واختطف ( امي ) غصيبه
آه يمه لا ذكرتك يوم رحتي في سكينه
بعد ما غبتي يا يمه نحر فيني الزمان ازمان
الا يا من يرجع لي زمان (ن) ولى وفاتي

عسى ما ني من اللي بدل الطاعة لك بعصيان
رضاك يهمني والله وهو اخر محطاتي

وفجأه كل شي (ن) صار قلب ذاك الفرح احزان
خذاك الموت من يدي وانا ابكي كل لحظاتي

سليت الموت يا يمه وخذاني عنه النسيان
واثاري الموت ما ينسى وهو هادم ملذاتي

يا ليت الموت لو لحظه صبر ما غمض الاجفان
تركلي امي اقول لها بقايا من حكاياتي

حضنت امي وانا ابكي واقبل كل شي (ن) بان
رجيتك لا تخليني خذيني بكل حالاتي

ألا يا جرحها جبدي بعد ما لفو الأكفان
وراحت مني وغابت وصارت هي نهاياتي

هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي

احس اني اعيش بكون فاضي ما به أي انسان
احس بوحشة الدنيا .. بعدها كل شي ماتي

دريت ان الفرح كذبه وحكايه ما لها عنوان
وعرفت ان الزمن غادر ذبحني بصمت وسكاتي

بعد ما غبتي يا يمه هلكت وصرت انا تعبان
ذبحني بعدك الغادر وخيب كل هقواتي

غيابك هدني واصبحت غريب مفارق الاوطان
بعد ما غبتي غاب الفرح واتبعته مسراتي

بكيت بغرفتي وحدي ما بين السقف والجدران
بكيت فراقك اللي هدني وزود بي حسراتي

انادي لك وانا صوتي مثل ورد (ن) غدى ذبلان
ابيك اتجمعي ذاتي و تلمّي كل اشتاتي

زماني خانني واصبح مثال الخاين الخوان
جرحني وانكوى صدري وذابت فيني شكواتي

اشيل الهم من صغري وتزيد حمولها الامتان
وهي تكبر على كتوف الزمن دمعي وشرهاتي

ذكرت وما ذكرت الا طعونه فيّ كما النيشان
يحسبني الزمن بسلا بعدها كل طعناتي

انا فرحي غدى كنه رذاذ (ن) في وسط دخان
زماني بعد ما غبتي تفنن في مذلاتي

انا مدري اعيش شلون بلا زولك مع الأحضان
اسالك يا الولي تجبر مصابي في غلا ذاتي

ألا يا الله يا خالق جميع الانس ويا الجان
يا مجري رياح الكون وكل شي (ن) يبي ياتي

يا معطي بلا منّه وكل شي عندك بميزان
يا زارع بقلبي الصبر ومونس لي وحشاتي

اسالك تغفر لأمي وترحمها أيا رحمان
وتجعل جنة الفردوس مقره اخر ادعاتي

طلبتك يا الولي تجعل قبرها جنه وبستان
وتغسلها بماء وثلج دعيتك كل اوقاتي

يجعلك عند رب (ن) راضين عنك ماهوب غضبان
وعسى ما صابها تكفير دعاتي كل ساعاتي

عسى ريحك .. مسك .. عنبر .. وروح مع بعد ريحان
يعطر قبرك الخالي طلبتك في مقاماتي

اسالك تسقي تراب القبر من وابل (ن) هتان
وتجعل قبرها روضه وتجمعها بملاقاتي

وعسى ما ني من اللي طالع (ن) من دنيته خسران
خسر دنياه واخرته وتساوت كل مساواتي

رضا الله من رضاك انتي حقيقة ما تبي برهان
عساني كاسبه رضاك يا غاية كل غاياتي



مـــــــــــخـــــــــــــرج



يا ويلي من فرق (ن) لروحي تلوعي
على (امي ) اللي لحفوها الترابي

م/ن

[صدفة بلا ميعاد]

,

,


كل الشكر والتقدير اختي الكريمة لاتغرك ضحكتى

على الطرح الراقي للقصيده الرائعه في حق الام

امهاتنا الله يحفظهم ويطول اعمارهن

هن نور وراحة البيت

مهما نكتب او نقول مانجي ربع ماعاننه في تربيتنا ورعايتنا

شكرا لك مرة اخرى على النزف الجميل ..

مودتي وتقديري

[*ابوخالد*]

كل الشكر على القصيده

ولاهنت