......

[بنت الجوووود]

تِصَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. . ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. ( في عيُوني غير )
ومَهْمَا شِفتْ أنا الفرحَه .. بدونِكْ ما تسليني

أنا خِنتِكْ .. وهالغلطه حبيبـي ما لَهَا تبرير
علاقة حُبْ مَجْنُونَه .. ما بينْ أحزاني وبيني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير

أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير

وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير

ويشِقْ النُور في صفحة حياتي .. وما ألاقيني

أنامْ شلونْ ؟ ومشكلتي عِجزتْ ألقى لَهَا تدبير

طِلَبتْ النُومْ .. لحظاته و عيَّى النُوم , يعطيني

تغيَّر وجْهَي .. مِنْ أوَّل غيابكْ وإبْتِدَى التأثير

حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير

تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير

تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير

أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني , ما هقيته يصير

لأنِّي كِنتْ .. ( متأكد ) .. بأنْ البُعد ينهيني

[الفريض]

صح لسانك ولسان شاعرهااا

ولاهنتي ع النتقل الرائع

تحيـــــــــــــــــــــــــــــــــــاتي ،،

[مطلق الخالدي]

صح لسانك ولسان شاعرها
ولاهنتي ع النقل الرائع
تحياتي,,

[هـزاع]

صــــــــــــــــــح الله لســــانك .. روعه

[حكاياغيـــم]

اشوفك في صباحي انت معنى ياصباح الخير

واشوفك في مسائي حلم وردي لاتصحيني

رووووعه صح لسانك ولسان الشاعر

بنت الجود لك ودي
*******************

[مـشـهـور]

صح لسان شاعر ولا هنتي على نقل يا بنت الجود

[أباالجيش]

صح لسانك ،،

[ابــ مشخه ــن]

صح لسانك ولسان شاعرها

ولاهنتي ع النقل الرائع

[راعي الشاص]

مَحَدْ يِقْدَر يعَوِّضْنِي لأنِّكْ .. ( في عيُوني غير )
ومَهْمَا شِفتْ أنا الفرحَه .. بدونِكْ ما تسليني

يالبـــيه .. صح لسانش ولسان شاعرها ..\
لا هنتي ..