السلام عليكم
يشرفني انظم للمنتدى العزيز علي
وهذي اول مشاركه لي معكم واتمني تعجبكم
ياعين ماهي سالفة ضحك ورماش
يم الهدب والكحل واللعب والطيش
ماني على النظره شفوقن وشواش
حتيش لو يدعيني الشوق حتيش
لو مد لي وجهك من الحسن ماحاش
مايستجيب لرغبته كود درويش
ولو ان وصلك فيه مايبرد الجاش
وعلى ضفافه ينعم الحب ويعيش
ياهيه كلك ملح لاكن على ماش
مثل البحر مابل ريق المعاطيش
وانا بدنيا النقض والفتن منداش
وانتي ماغير تنقضين العكاريش
وانا اتقلب كل ليله لي فراش
وانتي على مخدتن كلها ريش
وانا بكفي للمواجيب حواش
وانتي كفوفك للذهب والدناديش
روحي مراح اللوح في غبة الطاش
لاروحت به موجة المد بشويش
لاعاش قلبن يتبع الهون لاعاش
ماتخدعينه في سراب النشانيش
خليه بين ضلوعه العوج يعتاش
حرن تعلا عن طمان الخفافيش
...
كلمات / ضيدان المريخي المطيري ...
15-05-2011, 02:03 AM
وانتي ماغير تنقضين العكاريش
العرض العادي
