شنبك اللي تفاخر به..ترى اللي جابته حرمـه

[اعقل ياخفوق]

يسعد صباحكم \مساكم ..
اترككم مع هالقصيده ........


تصيح تقول يا(حرمه)،تحسب إنك تعايرنـي!!
شنبك اللي تفاخر به..ترى اللي جابته حرمـه
تصدق كذبتك دايم ،، مبـادئ حيـل تقهرنـي
(نقص عقلك مع دينك)،،ترى مليت هالكلمـه
ياجاهل فتح عيونك..ياويلك لـو تصاغرنـي
غضب،،تهديد،،وإستلمه..وسمّه اللي تبي سمّه
أنا مليت من ظلمك يا(آدم) وش تصورنـي!!
إذا إني ناقصه بعينك،،وداعي منتهي الحكمـه
تراني ساكته بكيفـي ،، نصيحـه لاتفجرنـي
غضب شيطان ماميز،،مابين الخال والعمـه
عيوبي طيبتي وقلبي..حنان وشوق يجبرنـي
على عكـس تجي قاسي وكلن راضي بسلمـه
حسافه وقتي الفايت،،تذكّـر يـوم تِسهِرنـي
على قولة انا عاشق وحبك صابنـي سهمّـه
تذكّر يوم لي تركض ،،تقول يازيـن آمرنـي
على سنة رسول الله أشيـل الحمـل وآزمّـه
فرحت وقلت هذا اللي أبي في ظلّـه يسترنـي
اذا ضاقت بي الدنيا،، مسـح دمعاتـي بكمـه
ابي انسى به الدنيا وابـي بالحـب يشعرنـي
ابيه يكون لي فرحـه اذا زاد الزمـن همـه
لكن للأسف غلطـه وهـم كـذاب ساورنـي
جزاتي والثمن عمري..وقتلت بخافقي حلمه


منقووول

تحياتي لكم

ا خ ت ك م / اعقل ياخفوق

[شموخ شايبها]

عجــــــــــــــــــــــــــــــــــــــــــــــــ ـــــــــيــــــــــــــــــــــــــــــــــــبـــ ــه

لك تؤبريني على هالنقل قصيييده روعه صح لسانش ولسان شاعرتنا لان اكيد انه موب شاعر ,,,

وننتظر جديدش تقبلي مروري

[علي الرطام]

صح لسانش ولسان شاعرتنا

لا هنتي

[العــــديم]

صح لسان قايلها
ولاهنتي ع النقل

[المنفرد]

صح لسان من قالها ومن نقلها

[الهنــــــــــوف]

اذا ضاقت بي الدنيا،، مسـح دمعاتـي بكمـه

..................................

اعقل ياخفوق ... طرح جميل يستحق الثناء .. حنن الله جميع قلب يحمل القسوة
تقبلي مروري وخالص احترامي

[اعقل ياخفوق]

صح بدنكم

ولاانتو

منورين الموضوع يالغلا

[خالد بن نفل]

صح لسان شاعرها ولسان ناقلها
ولاهنتي ع النقل الجميل
وتقبلي مروري

[اعقل ياخفوق]

صح بدنك

ولاانت

منور الموضوع ياخالد