الله يرجك يا وطني ( رساله من مواطن الى وطنه )

اديب · #1 19-11-2004, 09:57 AM

وصلني ع الايميل قبل فتره .. رساله بعنوان : (( رسالة من مواطن الى وطنه ))

اعجبتني , وحبيت اضيفها لكم هنا ... الرساله تقول :

المُرسَل إليه : وطني

المرسل : ابنك

نص الرسالة :

آهـ . . . يا وطني

عيدك مبارك ياوطني

كل عام وأنت بخير يا وطني ..

تصدق أني أحبك رغم اللي تسويه فيني يا وطني

آه يا وطني يمكن إنك ما تصدق بس الله العالم إني أحبك ..

صحيح إن عليك حركات بس ما عليه تمون يا وطني ..

صحيح إنك قهرتني أكثر من مره لكن أبمشيها لك ..

تذكر يا وطني يوم تتبرع للدولة الفلانيه

وحنا يالله لاقين شي ناكله يا وطني .

وغيرنا مليون بعد ما يلقون شي يأكلونه ..

أكيد تذكر تصدق إني ساعتها جتني ضيقة صدر ..

ما توقعتك تسويها ..

طيب ليه ..

ما يقولون الأقربون أولى بالمعروف ..

وإلا إنت جايك شي مني وتبي تقهرني ..

طيب ما تذكر يوم إني أتخرج من الجامعة

وأقدم لك أبي وظيفه و تطنشني ..

وتعين اللي أقل مني عشانه من آل فلان وعنده واسطه ..

ليه ياوطني مو إحنا كلنا عيالك وإلا أنا ولد الشغاله ياوطني ..

أكيد بعد تذكر ياوطني يوم ابوي يطيح مريض

ويقولون علاجه في احد المستشفيات الكبار ..

وأجيك أبي فزعتك وتقول آسف ماأقدر عندنا زحمه

وبعد يومين أقرى في الجريده وأشوفك

جايبن سوداني تعالجه على حسابك ..

وفي نفس المستشفى صدقني في ذاك اليوم

ماجاني النوم من القهر آه ياوطني ..

أفا عليك بس ياوطني ..

لهالدرجه حنا رخيصين عندك

لاتقولي ما تذكر ..

أو أخاف إنك تقول إنك تمزح معي

الله يرجك ياوطني مزحك ثقيل ..

إلا على فكره تصدق إني مادريت

بعيدك اللي قبل كم يوم إلا اليوم ..

ليه ياوطني ياخي على الأقل خل هالمناسبه

مميزه مثلا عطونا إجازات في هاليوم

ولا وزعوا حلاو علينا أهم شي

ندري إن اليوم يومنا الوطني وإلا مستحي منا

طيب بهالمناسبه يا بعد قلبي ياوطني

شرايك نفتح صفحه جديده وننسى اللي فات ..

هاه وش رايك ..

بس على شرط حركاتك ومزحك الثقيل خلها عنك ..

وياليت بعد تسوي فينا خير

وتدبر لنا وظايف قسم بالله ذبحتنا

العطاله والتبطح في المقاهي

ترى حنا شبابك نعجبك بس عطنا فرصه

وياليت تكمل معروفك ياوطني وترحم ابناءك

وشعبك وتخفض من أسعارالبنزين والغاز ..

تكفى ياوطني والله ذبحتنا ويكون بعلمك

ترى شعبك مو كلهم تجار وعيال نعمه ..

يمكن إنت ماشفتهم معذور ياوطني

ولكن والله موجودين وبكثره لا تنساهم الله يرحم والديك ياوطني..

وبعدين سالفة الواسطات والعنصريات

هاذي ياليت تتركها بعد كلنا عيالك وكلنا عيال تسعه ..

ترى الواسطات والله ماوراها إلا

الظلم والقهر للمساكين خلك عادل يابعد قلبي ..

انا داري إنك بتقول صعبه وإن المخرج عاوز كده ..

صدقني داري ياوطني بس ياليت

تحاول تفكنا منها على قد ماتقدر والله يعينك..

وحط في بالك ياوطني إننا ابناءك

واللي يمسك يمسنا وحنا نفديك

باأرواحنا واموالنا وكل مانملك

تامر شي ياوطني أنا إنتهيت من رسالتي ..

وابيك تعرف إني

أحبك وأموووووووت فيك ياوطني ..

كويتي · #2 19-11-2004, 10:43 AM

كــــــــــــــــــــاسك يا وطــــن
تصــدق اخوي اديـــب اني تأثـــرت يوم قريـــت
هذي الرســـاله وانا متأكد انها الي كاتبها شخص
كويتي ,,

للأســـف الوطن مظلــوم مثل ما نظلــم الدنيـــا
ونقـــول مافيها خيـــر ونلعن الدنيــــا ونقــول
العن ابو الدنيـــا الي سوت فينى كــذى
لكــن للأســـف ماعمر الدنيــا ولا الوطن الي
ســوى فينا كذى احنا الي سوينه كل شي بيدينا
والناس الي تحكم هذى الوطن هم الي يسون فينا
كــذى ولا الوطن مظلــــــــــــــوم لو بيـــده كان
ما نطـــر هذي الرســـاله من مواطـــن ,,
للأســف العالـــم يتقــدم واحنا نرجـــع الى عصــر
الجاهليـــــه ,,,

لــــك مني كــل التحيات

كويـــــــــــتي يـــاوطن