ياللي خذاك الوقت مني على طول
ياكثر ماتملك غلا في ضميري
في خافقي ماغيرك يصول ويجول
ولا تعلق في وجوده مصيري
اشتاق لك .. واحن دايم ولاقول
سري قديم .. وحافظه وسط بيري
خليتني طايح من البعد مشلول
عجزت اكمل في حياتي مسيري
كان الوصل بابه مسكر ومقفول
الله يجازيني عوض عن عشيري
عودتني .. انام ضايق ومعلول
ماتختلف بي شهقتي عن زفيري
لو كان لـ للام المحبه بندول
ماجفت عروق المياه ابغديري
ارسلت لك يمكن ثلاثين مرسول
من طيب قلب وكثر الله خيري
تدري وش اللي بسآلك فيه واقول
ابسآلك عن حاجة(ن) في ضميري
هو انت عني .. مع منو صرت مشغول
مع الاهل .. والا مع انسان غيري ؟؟
11-02-2012, 01:02 PM
العرض العادي
