أبسألك وشهي حياتك بلياك ؟؟؟

[عيون الطنايا]

أبسألك وشهي حياتي بلياك ..؟؟؟






يا صاحبي لا مر بالبال طرياك ..
جاني سؤالن شل فكري و جيتك..


أجيك أبي منك الاجابه و الادراك ..
ليتك تجاوبني على الفور ليتك..


أبسألك وشهي حياتي بلياك ..
ما دامني بعت الجميع و شريتك..


و ابسألك منهو يسوي سواياك ..
ثابت على عهد الوفا لا نخيتك..


يكفي وفاك و طيبتك في نواياك ..
و يكفي ليا من زاد همي نصيتك..


حياك في وسط الحشا لا عدمناك ..
القلب قلبك و الشرايين بيتك..


و كانك تظن أني أنا ناوي أجفاك ..
يجفاني شوفي كان رحت و جفيتك..


و كان العواذل قالو اني ابنساك ..
ينساني حظي كان لحظه نسيتك..


أنت الوحيد اللي اذا كنت وياك ..
الوقت يسرقني و أنا ما رويتك..


الكون كله يا أريش العين يفداك ..
بليتني بالحب غصب و بليتك..


و اياك تسمح للحسودين اياك ..
تعطيهم الفرصه بعد ما نهيتك..


ما عاد أبي من دنيتي غير لقياك ..
لا زاد شوقي لك يا قلبي و ضميتك..


لو تطلب اللي تطلبه قلت لك جاك ..
أبك أنت لو تطلب عيوني عطيتك..

[مُغـتآل]

لاهنت على القصيده

[عيون الطنايا]

ولا انت
تسلم

[يآحبني لهـ]

لو تطلب اللي تطلبه قلت لك جاك ..
أبك أنت لو تطلب عيوني عطيتك..


أبيات روووعهـ صــح لسانگ ولسان شاعرها

[عيون الطنايا]

صح بدنك
ولاهنت

[الاصيله]

و كانك تظن أني أنا ناوي أجفاك ..
يجفاني شوفي كان رحت و جفيتك..


و كان العواذل قالو اني ابنساك ..
ينساني حظي كان لحظه نسيتك..




تسلمين ياغلاا ابدعتى لد وودي وردي

[عيون الطنايا]

يسلمج ربي
تسلمين

[ابورامي]

الله يدرك مشاركاتك دايمأ تشدني صح لسانش ولاهنتي

[(جساس)]

الله عليك عيون وشذا البداع قصيدة ذوق وجميله كلها إحساس جميل الف شكر لك علي البداع وتميز تقبلي مروري

[عيون الطنايا]

المشاركة الأصلية كتبت بواسطة ابورامي

الله يدرك مشاركاتك دايمأ تشدني صح لسانش ولاهنتي

صح بدنك
ولا انت
اعتز بحكيك
لاهنت