مسجااااااات

كويتيه · #1 28-11-2004, 07:57 AM

بلحظة غضب قلت ابتعد بس ما أبيك * * * ولا الحقيقة وش حياتي بدونك ؟

أن جيت اببعد يابعد عيني القاك ......... انت الوحيد الي بهالقلب باقي

أنتي وش أنتي غــير غــطلة حــياتي /*/ بــعترف فــيها وأصــحح خــطايه

يا كثر من يحرث ويسقي ويتعب *** ويا قل من يحصد .. ويفرح بالانتاج ؟

برد الكويت وحرها والعواصيف * * * افضل من غربه لو وسط جنه

إليا وقف آخر رجل هاقين فيه...............تعال لي وتحل لو مالها حل

منهو عقب غيبة عيونك بينفعني...............اقسم بحبك غلاك اغلى من اخواني

بغيتك اكثر من الي بكى في ليلة الزفه...............يشوف اللي تمناها تحل لواحد غيره

شف وش كثر ضاع من عمري علشانك...............البعد لويستحي ماياخذك مني

والله لو تدري عن الشوق يمناك...............ماصفحت غيري من الناس مخلوق

تعال واجلس وسط صدري وبدد وحشة الوجدان...............واذا حسيت بالوحده تسلا ورتب ضلوعي

العيد عن الناس يبدا بشوال...............والعيد عندي يبتدي يوم اشوفك

يضحك لك الخافق قبل ضحكة السن...............واعطيك عمري قبل لاتقول هاته

زهرة شباب لاقضت وانت مقرود...............وش فايدة راحتك لاصرت شايب

وإدخل على الله شف ترى مالي الا انت...............لاتزيدني وابكي تراني على طريف

وشلون أبكتب والشعر من هيبتك يخشاك...............تراك انت الوحيد اللي يذل الشعر ويهينه

الارض قلبك والجماهير تبضك...............وشلون افوز بداخلك وانت ضدي

لو يخذلك كل البشر ماخذلتك...............مايفرحون بشوف دمعك وأنا حي

غبت عني والدوا صار معدوم............... وين الدوا لاصار جرحي غيابك

هلا ياكل هالدنيا غيابك حيل دمرني...............أبي أرجع مثل اول حبيبي لاتخليني

خذاني هاجس الذكرى بطاريك ووداني...............سألته هاجسي وشفيك؟ بدا يبكي وبكاني

متى يجي موعدي وياك علمني...............أتعبت روحي وانا عيني على الساعه

بعدين اسولف لك غلب جفني النوم............... أنا وعيونك سالفتنا طويلة

أغسل يديدنك إني أجيك لو شبت.............معروف عني دام صديت ..صديت

وغلاتك يكفي بس تسأل عن اوضاعي وارد طيب............مع أني صدق ف غيبايك لاطيب ولاحاجه

ياماسك الدمعه على ساحل الموق.............حرام تحبس دمع عينك بعينك

اظما وتسقيني شفاياك ماها...............وأروي وتسقيني العطش من شافايك

تدري دفا احلامي جمد في شارع البرد الطويل.............وبرد الفراغ اغتالني.ياصوتها الدافي تعال

ثوبها بعيونهم ثوب الزفاف...............وثوبها بعيون خفاقي كفن

أعود عايفن نفسي وهجيرك لاعن أسلافي ............ على بيتك أمر وألعن مروري على بيتك

جيتك رسالة واسمعي همسي صياح ............ جيتك ورق سطرة محاجر دموعي

جيتك حروف بينت كلها ارماح............ من عزتي جيتك اسابق خضوعي

ماأقول الا فمان الله يامسافر من الغربة........ مادام ان قربي الغربة فمان الله يامسافر

اظما وتسقيني شفاياك ماها .................وأروى وتسقيني العطش من شفاياك !!

امات الحب عشاقا وحبك انت احياني........... ولو خيرت في وطن لقلت هواك اوطاني

ولله لو تدرين عن قمة جمالك .................. كل شـي فـيــك وده يبـوسك

أعزي القلب في بعدك واقول أنبض على هونك .........مسير الوقت يجمعنا وابين لك عن الخافي

ليته قبل مايفارقني حفر قبري ............ اكون للقبر أهون من حضن غيره

ابيع العمر انا لجلك ولا ترحل ابد عني ............. ابي اغرق انا بقربك قربك بس يكفيني

لك عيوني ياعيوني لو تبيها بين يديك ........... لك حياتي ياحياتي صدق ماتغلى عليك

مثل العسل وسط الضماير غلاكم........ وانتم عسل كل الليالي والايام

يامن وداعه كنه موادع الروح.......... لوهو بكيفي عنك مااروح ساعه

هذا حبيبي وهذا اللي تمنيته ......... ماغيرك احد ملا قلبي ولاعيني

قال تفزع لو نخيتك قلت مافيها كلام ......... راح جدي سبة الفزعة عسى الله يرحمه

شفت العقل مرات يجبرني انساك............. شفني تركت العقل دونك وجيتك

وشلون ابنساك قلي وانت خابرني........... طاري الجفا لا طرالي ترجف عضامي

مرات افكر اجيك وقلبي يمنعني ............... ملعون هالقلب يلعب على كيفه

محد يحب الغير زود عن النفس ............ الا انا مغليك زود عن الروح

خليت قلبي معك والله يصبرني.......... مبطي وانا اقول قلبي وين خليته

عقب البطا جاني يقول الغلا زاد ............ اثره صحيح الحب الاول مصيبه

لاتصير ضدي انت والوقت والحظ ............ ترى ثلاثه ضد واحد جريمه

تضحك على احساس قلبي يوم حبيتك............ الله يستر عسى ماترقص بموتي

من كل قلبي تبيني اتركك وانسى .............. شلون ابدل جحيم البعد بالجنه

انت حبك شي مااقدر عليه ............ كن حبك ضيف والقلب بدوي

في ذمتي فرقاك ماجا على الكيف ............ لوهو بكيفي ماتركتك دقيقه

وشبك على غفله تغيرت واقفيت ............ منهو الجديد الي عطيته مكاني

تعال واحضني قبل لحظة الموت............ خايف احضن تراب قبري واخليك

لبيه يامن على بعد المدى جاني ................. تو المشاعر تسولف بالغلا عنه

كل مانسيتك اشعل القلب ذكراك............. لاعاش مخلوق تجاهل وجودك

بالليل يطري من نحبه على البال............ وافهم تراك الحين بالبال طاري

عشان عيونك وعين القصيد وسكة الاحلام............. كتبتك لين خليت القصيد يهز فنجاله

قل للعيون الي تناظر عيونك......... بدري عليها تلتفت وانت موجود

يوم استدار افترت الارض فيني ................ في كل خطوة امشي الفين مشوار

حبيت اذكرك بمقامك ياحبيبي بأختصار........ عشان اريح بالك وعشان ابري ذمتي

بس تسوا لك بلد؟ قول تسوا لك بلاد......... انت كل العالم بكون ولحالك بكون

كان طول صاحبي قلت خوله برخاه........... يمكن من كثر مااطري على باله نسى

خلني بحماك وارحم لاتجور .......... غيبتك لحظات تهلنكي هلاك

تولم للفراق ولاتفكر ترجع لماضيك ........... وحرام ان ماجعلتك تصفق اليمنى على اليسرى

علامك ليه تجهل شعري اللي لامن زعلت ارضاك ......علامك تجهله من عقب منت اللي تماريبه

انا.... انا وانا حبيبك خذلتك .............. لاتنتظر من باقي الناس يوفون

يااللي هدمت الحب بيديك ياالي........... حاولت اصير بدنيتك بس ماصرت

ياحبيبي مانشدتك ليه غايب......... دام قلبي والعيون مسامحينك

ان كان في صالحك ماترجح الكفه.............. وش خانه الحب والعشره من اولها

الغلا... كان هاجسك الغلا ماعليك ........... والله اغليك واحبك واموت بغلاك

معطيه قلبي لو انه راح يلعبه ........... في رغبتي يوم سلمته وبكفوفي

على الاقل تقدير اجبري خاطرا مكسور......... اخذي وردي ماهو من كثر جياتي

ماهمني لو زماني كشر انيابه........... الله يخلي لدمعاتي مناديلي

اكبر خطا من يقول ان كل مافات مات ......... الماضي احيان صدره يحتضنا حنون

حرام اعود واتبع اللي تبعني ........... وحرام اقول ازريت عقب استطاعه

ان كان في نفسك كلام مخفيه .......... الكلمه الي تحرج النفس قلها

ماهو اختياري حب منهو جفاني .......... هذا الهوى مكتوب بيني وبينك

علميني من عطا عيونك امان......... تحتوينا في سلام امنين

من عاش في حبك الدافي يموت في جفاك....... ومن قابلك مات في حبك قبل لايموت

ارفع الظلم عني لايموت الغرام...... تحت وقت الظلايم مات خلق كثير

دلوعها وصارت بنت دلوعه ........ والمصيبه تبي كلن يدلعها

الخفوق أعياه ليل الانتظار .......... ماذبحني غير تقدير الظروف

اطلق سراح الرضا وانعم بلذاته ........ ما فـ الزعل خير لاتزعل عليه

من قدم السبت يبشر بالاحد والربوع ........... والله لعلمك معنى الجفا والطناش

باشعل شموع الفرح في يوم ميلادك ...... وأهني احلى مناي فعامها الثاني

ياثقل عصرية الجمعه على صدري........... كن الدقايق على صدري توطاني

نجد لاغبت عنها ماعليها حلا ......... الله انه يردك ياحبيب الرياض

استحمليني لو زعل مني الكل .......... البحر يدفن موجته في ضفافه

مشتاق اسولف معاك واحس لحظه بهواك....... من كثر مااقول غالي زاد بغيابك غلاك

اذكريني لانتهت للشمس رحلة مع نهار ........ واذكريني لا صحا للصبح ورد الياسمين

كل ماجيت انحرم منك اشتهيت .......... طعم حبك لين صرتي لي هوايه

ياحبني لك دون كل المخاليق....... يالي تساوي كل شي بحياتي

ليت السعادة رهينة راحة ايديني ........ واعطيك واعطي البشر باقي امانيها

احبك موت في غيابك ولاشفتك احبك زود ....... احبك في ابتسام الوقت احبك في جفا ايامي

غيرك ماطرا ياشوق لو لاح فسماي بروق....... ما للحب بعدق ذوق ابصم لك على العشره

كل ما ادفن خيالك ياعنيد ........ تمطر الدمعه وينبت من جديد

ابغاك تعرف صاحبك مين وابغاك.............تدرك بأنك داخلي وين ماتروح

ياصاحبي الروح من فرقاك منصابه .............. من بين فرقاك من غيرك يداويها

ان غبت جابك في حلا نومي الطيف ................. وان شفت زولك كل شي صفالي

انت ساكن بين شعوري ولاسكنت اشجاني ........... انت لابسني غياب المغترب واقباله

في صدري اسمع صوت شي يتكسر................. بالليله اللي ليلها صار ليلين

ترى والله اني كل ماطق عود عود .......... خيالك وزولك ياهوى البال يطريلي

تعال فتشني من اقصاي لاقصاي........... وبحق ماتلقى سواك انت فيني

بقول لك كلمتين وباختصار شديد ........ ان كان للزين ديرة فانت العاصمه

لامرني طيفه اضمه حيل باحضاني ............... وشلون لاجيت عندي وشافتك عيني

ماني على فرقاك ياصاحبي راضي ........ حسبي على من تسبب بيني وبينك

قالو توادع قلت ياصعب الوداع ........... وشلون اوادع من معه قلبي وديعه

غريبة قصة الدمعه واهي تغسل جفون العين.... تريح جفن باكيها واهو في غمة احزانه

لك العذر لو شفتني بعين الاوهام ........ دمعه لقت في الحلم بعض الحقيقه

صدك عن اللي ملتفت لك ردي حظ .............. وركضك ورا اللي ماهو بيمك قراده

ياصاحبي ماني براعي مهاداه.......... اما ارضني ولا اجفني واستخيري

ولا تعال وما طلبناك عطناه .......... ولا تروح وجعل دربك سفيري

مقدر أحبك أكثر من حدود الـغـلا .......... يكفي إني أحبك باللي أقدر عليه

كيف أحبك وقلبي بالغرام امتلا .......... وش تبي منه أكثر وأنت كل شي فيه

لاتنشد الناس عني وانت ادرابي.......... نفسي تمناك وانت اغلى حبايبها

اغلى من عيوني الثنتين واصحابي.......... واغلى من الناس حاضرها وغايبها

من عيوني كل ماتامر عليه .......... غير قلبي وش تبي مني وجالك

قلبي اللي من عرفتك وانت فيه .......... ماخذه مني قبل مااقول هاك

قالو علامك باكي قلت مطعون .......... شوفو نزيف الدم مني تلالا

قالو من اللي صابك قلت مزيون .......... قالوا عدوك قلت ياناس لا لا

القلم والحبر والدفتر وانا .......... والسهر والحب مع ريم النفود

يسوى عندي كل عمر قد فنا .......... من آدم الى آخر وجود

مال الرجى في بعض الاحوال قيمة ........... وما للعمى صبح لو بات سهران

لو للزمن عن نية القدر شيمة .......... مافرق احباب ولا بعد اوطان

عطني دليلك بالجفا يوم تجفا .......... ان كان عذرك في محله عذرتك

عسى جروح منك في القلب تشفى .......... جروحك بي كثيرة وانا ماجرحتك

الحلم يجمعني بكم كل ليلة .......... يطوي بساط البعد مابيننا البين

صارت حلوم الليل عندي وسيلة .......... اشوفكم يا أحبابي وانتم بعيدين

ولاني بندمان على كل مافات .......... اخذت من حلو الزمان ورديه

هذي حياتي عشتها كيف ماجات .......... اخذ من ايامي وارد العطيه

على طريق الوهم قلبي معاهدك .......... لو كنت في عز احتياجي عطيتك

لاتوعد المشتاق بالوهم واوعدك .......... لو كنت دمعه بناظري ما بكيتك

مقدار حبي لك عالم فيه ربي .......... ولا الموازين لغرامي ظلومه

لا لا تقارن حب امك بحبي .......... اخاف من عينك تطيح الامومه

تضحك حياتي دوم ماتحب الزعل .......... وش العسل لو قلت يشبه دمها

اذكر في مره اهديتها ورد وزهور .......... جت تشمه ذاب فيها وشمها

حبيبي اللي بوسط اغلعين حطيته .......... اموت في نظرته ويموت اهو فيني

ماهمني يزعلون الناس لرضيته .......... دامه حبيبي بهالدنيا يكفيني

لقيت اسمك على صوتي لقيتك دايم قبالي .......... اشوفك حلم واحلم بك حقيقة يانظر عيني

انا وحدي مشيت الدرب بديت احقق احلامي .......... لقيت اغلى زمن انتي من الدنيا يكفيني

لاجيت ابهرب من عيونك تراجعت .......... وشلون ابهرب والمسافه عيونك

ماهي بكيفك لو عرفت وتشجعت .......... لو قلت اببعد يقصر العلم دونك

الشعر مايبعدك عني ولا اي مخلوق .......... وان غبت يبقى في غيابك حضورة

مثل الشجر مهما رفع هامته فوق .......... يبقى مصيره مرتبط في جذوره

ابصبر الين رب الخلق يجمعني سوا وياك .......... واضمك يادفا عمري ترى حضنك يدفيني

ابسعد لا حصل شوفك وبهنا لا حصل لاماك .......... وانا ادري قربي وقربك يعنيك ويهنيني

خيمت في الدنيا علشان دنياك .......... خليت كل اللي يبيني وجيتك

كنت بعيوني وين مااطالع القاك .......... حتى لو غمضت عيني لقيتك

ياصاحبي جيت اشكي لك عن احوالي .......... جيت ومادامك رفيقي ليه اطولها

العلم ومافيه يا اول وآخر آمالي.......... عندي رسالة ولا ادري كيف اوصلها

انا ياكل الغلا ميت فيك .......... مجنون حبك وان ذبحني جنونك

ترى حياتي ياحياتي بها افديك .......... دونك حياتي وش حياتي بدونك

انا شفت الزهر مايل وظنيته يناديني .......... قطفتة يوم ضميته لقيته للاسف ذبلان

عرفت انك زهر عمري عرفت انك بساتيني .......... وغيرك قيظ مايروي سراب يشفي العطشان

اشتاق لك واكلمك كلما اشتاق .......... عنك الثواني كنها شهور وسنين

عليك قلبي من ظنا الشوق خفاق.......... ابيك لكن وين دارك وانا وين

اشتقت يافرحة العمر وين انت .......... ياللي عيوني منك ينبع ضياها

آمنت بك في عالم الحب آمنت .......... يامتلف روم العنا ويا دواها

انام ليلي والاقي نفسي احلم بك .......... واتخيل اني معك وجالس قبالك

وتقول : انا اموت في قلبك ومعجب بك .......... وأصحا واقول: ياقلبي يتهيأ لك

بملا عيوني بالنظر قبل ما اموت .......... وان كان طولت النظر فاعذريني

واحاول اثبت شي ماهوب مثبوت .......... واحاول اهرب وانت موجود فيني

في ميزة ماهي عند البشر كله .......... كل مازاد عمرك زادت اوصافك

اشهد انك ملكت الزين في حله .......... يعترف في جمالك كل من شافك

لو غبت لحظة كل مابي يتمناك .......... صعبة حياتي ياحياتي بدونك

اهيم في صوتك وهمسك ولقياك .......... حتى مع الاحلام مقدر اخونك

تبي تبكي تبي تشكي ولكن جفت الارياق......... فمان الله قالتها بصوت خافت سمعه
وراحت تسحب الخطوة وانا في ماقفي منعاق .......... اشوف الروح تتبعها تحايلها على الرجعه

غديت مثل العود مشراه غالي ............. غلاه لجله يحرق على النار

تشوف دخانه يجيله ضلالي ...............ويروح كنه لاتكون ولا صار

لامر طيف اللي ذبحني هواها.......... ادور الحاجه واهي في يديني

هذا واهو طيف يجي من غلاها ............ وشلون لو تقبل علي وتجيني

بشرب من الدله لو كان بها سم ............... ما اهز فنجالي ولا اقول كافي

مادامه بيمناك وتقولي سم ............... بسم الله اشرب وكل سم عوافي

نوخي ناقة الفتـنة بوسط اضلعي..............وجدلي من شراييني لوصلك طريق
اقبلي نبتسم نكسر حدود الوعي ..............نذبح البحر لو مره بذنب الغريق

ناديتها بشويش وتقول لبيه ..............اقطف ثمر حب لورده زرعنا

وفلت شعرها وقلت وشبك كذا ليه ؟ ............... قالت ابرقص دام حنا اجتمعنا

زعلت ومالقيت اقرب من الدمعه تفك الهم ......... غضبت ومالقيت ابعد من عيونك ابكيها

حبيبي والوجع يسمع من جروحي حديث الدم .........تخيلت الغلا نبضة تحاكيني واحاكيها

ياقلب عودنا على طير يلي................ ماقلت لك مليون مره تناساه

ماقلت لك ياقلب خله يولي ................لاتلتفت يمه ولا عاد نبغاه

ان كان قلبك في بحور الهوى هام......... وشلون اجل تضميني وانتي غريقة

مشاعرك نسمه ونغمات والهام.......... بس الوهم عيب القلوب الرقيقة

تذكرين اثنين صكو بينهم باب المواجه.........قالت انت تشتكي قصة عليك ابغى اشتكيها

قلت بالله تعرفين أتعس رجل يصعب علاجه ...........قالت اللي حب بنت لاتجيه ولايجيها