قصه واقعيه

راكان اليامي · #1 19-12-2004, 01:49 PM

مواري قصة هزت سكون العاصفـه =باعصـاروطاحت يالله الخيره عزوم (ن) تعتلـي الطولـه

وطاحت دولة المعنـى وخلـت للعيـان غبـار=ولقيو تحت الأنقـاض إنتفاضـه تزهـم الدولـه

مواريها ظلام أعتم عيون اللـي قـرا المشـوار=حكايه سردها يحـرف مسـار العقـل لذهولـه

بنيه حسنها يبهـر يخلـي اللـي نظـر يحتـار=محاسنها سحر قالوا خسى .. مـن مسهـا قولـه

( على قول أهلها ) معنى الشرف في طبعها يندار=عفيفـه والنزاهـه لبسهـا والـذوق محلـولـه

بقت مشهوره بطبع (ن) على مر الزمن ما صار=صار لذكرها بيـن الخلايـق صولـه وجولـه

وفي قاع البدو كانت مثل حـر الفـلا لا طـار=لإسمها في مضاربها .. صدى يا كبـر مدلولـه

وساس المشكله كيف استباحت مفخـرة الأنظـار=وهي ما للشرف فـي نفسهـا ذكـره ولا زولـه

بدت في قصة (ن) سودا تناست كل معنى العـار=وصفحتها الشريفه فـي كتـاب العـار مجهولـة

لقت نذل الطباع اللي خـذ المفتـاح بعـد الـدار=بعيـد عـن عيـون النـاس والبيبـان مقفولـه

لعب باسما مباديها (جهـل ) بـان الزمـن دوار=وليلة بعد ليلـه بـان .. وسـط السـر مدلولـه

دروا فيهم عشيرتهم وطـارت للمـلا الأخبـار=ورموا هذا النذل يـوم الستايـر سـود مسدولـه

صحا قلب الفتاة اللي تنبـا بالرصـاص إنـذار=وخافت من رصاصـة ثانيـه تكمالـة العولـه

واخيراً قررت تـرك الفـلا و موادعـة لديـار=تنمت في مرابعهـا عليهـا اللـي رحـل يولـه

ولدت بآخـر النظـرات والقلـب تحـداه النـار=ومقلتهـا ملاهـا الدمـع والخـديـن مبلـولـه

وقصتها بدت تدوش بعد ما صـاب كـل عيـار=وسارت وجهة (ن) كانت لعقل البنـت مجهولـه

لقت إن نفسها وسـط المدينـه.. حقهـا تحتـار=وحاوطها الحزن و القلـب فيـه آمـال مقتولـه

وطاحت وجلست تبكي تقـول ان الزمـن غـدار=ومدت كفها تطلـب كريـم (ن) عفـوه وحولـه

وشد الناس دمع البنت يـوم انـه نـزل مـدرار=وردد رجل يا عالـم فقيـر احتـاج واعطولـه

رمى في كفهـا الأول قليـل وقـال يـا غفـار=وتوالـت فـي يديهـا منفعـه بالحيـل معقولـه

ونظرتها تردد ( آه ) من وجه الزمـن لا جـار=وتذكر حكمة (ن) كانت بماضي الوقـت مقيولـه

بوقتك لا صفا لك يوم واسعف حالتـك الأقـدار=أكيد انه يجي يـوم (ن) يهـز العـام وفصولـه

ولكن الولي سخر لهـا عـز العـرب الأخيـار=وجاها شايب (ن) و أشفق عليها وانحنـى طولـه

سألها عـن حكايتهـا وذاق بسردهـا الأمـرار=وشافت في عيونه كيف يشقـى الـورد بذبولـه

جذبها قول يا بنتي .. هبوب العاصفـه يختـار=وانا مثلك خذتنـي العاصفـه و الهـم وحمولـه

انا من ديرتك شبيت وقلبـي عـن مداهـا سـار=وحبـه للرجـوع يصيـح والرجليـن مشلولـه

انا عمك !! انا مثلك قتيـل ومـن يـرد الثـار=وجرحي لغز صد الوقت وأعجز صايب حلولـه

وفجأة ... قاطع الشايب رصاصة ودفنت الاسرار=و مات وماتـت القصـة وجـاد الـدم بسيولـه

وطلقـة ثانيـه للبنـت رادت تنهـي المشـوار=وصارت صفحة الماضي عن اللي صار مسؤوله

وراعيهـا فقـد أخ وفقـد بنـت وفقـد مقـدار=وسط ربعه حنى راسه لعظـم الموقـف وهولـه

عظيمة قصة (ن) هزت سكون العاصفه باعصار=وانا مـا آلـوم قاريهـا اذا جـا عقلـه ذهولـه

وسلامتكم جميع

( سمــــــــــو القـــــــــــاف )

حمد ال منيف