غــامدي يموت من اجل الشلاوى و الشاعر الكبير مصلح ابن عياد الشلوي يجسد القصه والقصيدة

[الحارثي]

بسم الله الرحمن الرحيم

(غــامدي يموت من اجل الشلاوى و الشاعر الكبير مصلح ابن عياد الشلوي يجسد القصه والقصيدة)


السلام عليكم ورحمة الله وبركاته
هذه القصيده قالها شاعر بن الحارث الاول مصلح بن عياد الشلوي وهي تجسد قصه بطلها الشهيد بأذن الله جمهور بن عبد الله الغامدي أحد افراد قبيلة غامد المعروفه والذي جسد هو الاخر رحمه الله كل معاني البطوله في موقفأ دفع حياته ثمنا له
فقبل اربع سنوات تقريبا ذهبت عائله من الشلاوى للمنطفه الشرقيه للاستمتاع ببحر الخليج العربي واثناء نزول الاطفال
للبحر واثناء انشغال اهلهم عنهم جرفتهم الامواج لداخل البحر وبدوء بالصراخ وطلب العون من اهلهم وكانت هناك دوريه متوقفه عند احد المساجد لتادية الفريضه سمعوا صراخ الام على الاب الذي هو الاخر هب لنجدةأطفاله الثلاثه وفعلا لقد انقذ احد اطفاله واغمي عليه ونزل افراد الدوريه وهم جمهور عبد الله الغامدي وزميله على ما اظن من قبيلة الدواسر وتم انقاذ الاطفال ولاكن جمهور لم يعد الاجثه هامده انتشلت بواسطة الدفاع المدني فلقد ضحى بحياته لفعل الخير بعد تادية الصلاه مباشره بعد ذلك ذهب رب الاسره للرياض لابلاغ جماعته بما حصل وذهبت اعدادا كثيره لتادية واجب العزاء في الشهيد ولاكن اتوا متاخرين ولم يحضرو الدفن وقامو بواجب العزاء واستغلت احد الصحف تاخر الشلاوى لتقول بان ابو الاطفال انكر الجميل ولم يقم حتى بشكر اهله ولاكن الاعداد الهائله التي ذهبت لتادية واجب العزاء تثبت اعترافنا بجميل
جمهور رحمه الله ....
لله درك ياجمهور يحق لقبيلة غامد وابنائك وزوجتك وامك وابيك ان تفخر بك وبموقفك النبيل كما يحق لشاعرنا مصلح بن عياد ولشعراء الشلاوى وبن الحارث ان يكتبو فيك ويعبرون عن مشاركة اهلك وذويك في ماحل بهم ويعبرون عن موقف قبيله الشلاوى فهذه قصيدة الشاعر الكبير مصلح بن عياد الشلوي

الله من دمعا على الخـد فوحـه=وعينا"تهل اعبارهـا وفضحتنـا
يوم القضاء والقدر جتنا سروحه=من البيـوت العامـره سرحتنـا
رحنا ندور ساعة مـن فروحـه=بالعكس ساعات الغضب صادفتنا
ناح الحمام وشيب العين نوحـه=صاح الصياح من العرب والتفتنا
بحر الخليج اللي تلامع سطوحه=جينا على الشاطي والامواج جتنا
جانا الشهيد اللي فدانـا بروحـه=الله يرحم روحـه اللـي فدتنـا
روح البطل ماهي علينا شحوحه=يوم الله انقذنا صحيـح انقذتنـا
جمهور عبدالله كشفنا طموحـه=فزع يومـأ" ان الليالـي حدتنـا
يوم الردي واللاش تقصر شبوحه=الرجل حـول واليديـن اجذبتنـا
امجار ياحيـا" تجـدد جروحـه=وجعة هله والله صحيح اوجعتنـا
ترى الشلاوى يطلبون السموحه=ياغامـد الايـام ماطاوعتـنـا
صكات بقعا كـل سـدا تبوحـه=ومن كثر ماتلعـب بنـا شيبتنـا
بابا" تسايف به وبـاب تلوحـه=ومن المراره والحـلا جرعتنـا

وشكرا

[ذيب القوم]

عزالله مقصر الغامدي الله يرحمه ويعتبره شهيد انشالله


الله لايهينك علا هلقصه والقصيده


ويعطيك الف عاااااااافيه


تحياتي لك..

[فيصل بن حجرف]

الله يرحمه ويغفر له
ولاهنت اخوي الحارثي على القصيدة الرائعة