أحرارنا أحرار!!

[بن حظيبه]

بسم الله الرحمن الرحيم
السلام عليكم ورحمة الله وبركاته

هذي ابيات كتبتها لشخص عابني ولا اعني بها ان شاء الله اي سوء واتمنى من الاخوه لا يؤاخذوني على القوافي لاني لست محترف ومبتديء حتى كبيره علي:

سألت عن دارٍ بها يسكن الخير××دار السنافي اللي بعزٍ عمرها
وكانك غترت إسأل فحنا مشاهير××لو غبةٍ في البحر مرسي غزرها
بلْدٍ لنا يفرق عن البلْد تغزير××وصواريٍ كل البحار تعبرها
نمخر عباب البحر وإن شافنا الغير××تصيبه الوجلا في أمورٍ نظرها
وإن جيتنا للبر خذ العلم تصوير××مظمرين ركاب نفطن أثرها
حنا كذا يعجبنا للقرص تجمير××يوم الملاله تشتعل في سحرها
وإن قاض قيضٍ جينا نحمل تباشير××من نخلةٍ تُخْرف يطيبك ثمرها
وكانه برد وقتٍ لنا حمنا الطير××نسعى لمقانيص الحبر ما نغترها
طيورنا كم قصت السبق...والجير××وحشٍ ولا جا للحبارى حدرها
واحرارنا أحرارنا...حرها غير××سهام تطلق للثريا نحرها
لي حامت الحومه عليه المقادير××تستبرد الشمس اللتي في قدرها
وسنيارنا سنيار سنيار...تحذير××حتى الشمالي ينزوي لا بدرها
وكانك سألت إسال ترانا مناعير××نرقى الشموخ ولا نداني مدرها
واللي أبوه زايد على كل تعبير××نال المعالي والمعاني سطرها

تحياتي

[العماني]

صح لسانك يا يا ابن حظيبه على ذي القصيدة الطيبه وانت ما يلحقك عيب يالسنافي.

وقد قيل

ويش على العقبان من دبي الجراده=مايروع الذيب من ترعى النباتي

تقبل تحياتي،،،

[مـحمـد]

صح لسانك وردك مضبوط ولاهنت على القصيده الرائعه
وبانتظار جديدك

[بن حظيبه]

بسم الله الرحمن الرحيم
السلام عليكم ورحمة الله وبركاته

بو مبارك صح بدنك يالقرم وهذا والله من معدنك الأصيل وصح لسانك على البيت المعبر.لك مني جزيل الشكر والتقدير.

تحياتي

[بن حظيبه]

بسم الله الرحمن الرحيم
السلام عليكم ورحمة الله وبركاته

أخي العجمي صح بدنك ولاهان غاليك ولك تقديري على كلامك الجميل.


تحياتي

[عـزام]

واللي أبوه زايد على كل تعبير=نال المعالـي والمعانـي سطرهـا

الله يرحمه ويسكنه الجنه.

وانتو كفو يا ابن حظيبه وما يسب الحمايل رجالٍ فيه خير.

قصيده رائعه

صح الله لسانك

ولا هنت يالسنافى

[بن حظيبه]

بسم الله الرحمن الرحيم
السلام عليكم ورحمة الله وبركاته

اللهم آمين

اخي عزام صح بدنك يالسنافي وردك أثلج صدري الله لا يهينك وأشكرك من كل قلبي أخي العزيز عزام.

لك كل التقدير

[فيصل بن حجرف]

صح لسانك اخوي بن حظيبه
وننتظر الجديد من قصائدك

[بن حظيبه]

بسم الله الرحمن الرحيم
السلام عليكم ورحمة الله وبركاته


أخوي أبو عبدالله صح بدنك شكراً على مرورك وتعقيبك يالغالي شرفني حضورك.


تحياتي

[السلاطين]

أخي و ابن عمي أبو ســاري المرزوقي

كفو كفو

أبيـــات كالسيف الصــارم لمن هو على وجهه هائـــم

ســلمت يمنـــاك

واحرارنا أحرارنا...حرهـا غير××سـهـام تطلـق للثريـــا نحرهـــا
لي حامت الحومه عليه المقادير××تستبرد الشمس اللتي في قدرهـا
وسنيارنا سنيار سنيار...تحذير××حتى الشمالي ينـزوي لا بدرهـا
وكانك سألت إسال ترانا مناعير××نرقى الشموخ ولا نداني مدرهـا
واللي أبوه زايد على كل تعبير××نــال المعالي والمعانـي ســطرهـا

أخـــوكم الســـــلاطين