***يااهل المعاميل جوكم مداهيل***

[ابوياسر الشمري]

بسم الله الرحمن الرحيم

اول شي ارجوا ان تقبلوني ضيف
وانا ادري ان كل واحد منكم يبي يقول "انت المعزب وحنا الضيوف"

ولا ابي اقول شي الا هالقصيده مع العلم اني ماني شاعر
مار محاوله نرجوا ان تتقبلوها ولو انه ماهي حقكم
مار منا القصور ومنكم الطيب
والطيب يشفق على الطيبين

يالخالق المعبود وحده بلا اشراك=الرازق المنان منشي سحابه
مالك ولا غيره على الكون ملاك=ماصك من دون المخاليق بابه
بعد الذكر حضرت فكري والابواك=سار القلم سجل على مارضابه
قال الذي في نضم الابيات سبّاك=فكري تهيض وابتدى بالكتابه
ياقلب ياقلب العنا ويش عناك="وش نوح"نومك جفنكم ماهنابه
حب المراجل يابيض القلب خلاك=سهران يوم الخلق بالنوم طابه
قم يانديبي وارتحل فوق مشهاك=جيب جديد ماظهر به خرابه
اخر موديل وللمشاوير دكاك=عاش الذي وسط البواخر لفابه
توه لفا تصدير ياحي ممشاك=من دار "طوكيو"حي منهو سعابه
ذيب مشى لحمر الاطعاس فكاك=يضرب على درب الوعر مايهابه
يشلع كما حرٍ عديم وفتاك=اقبل على سحم الحباري سطابه
من دار "شمر" دار حايل بمسراك=سواقه اللي وسط ليلٍ سرابه
تلفي على "العجمان"ياحي ملفاك=لابة فخر وعند المواجيب لابه
قومٍ تحوم نجوم ليلٍ مع افلاك=ناسه وساسه بالمعزه رقابه
جيل باثر جيل على العز مرباك=يامٍ مقرك بالفخر والمهابه
مدحتكم ولاني على المدح شكاك=ومدح القبايل عز منهو شدا به
عيب على اللي يمدح الناس لاملاك=ورجل يهابك واجب انك تهابه
العرض واحد وصافي الرزق ماجاك=مكتوب قبل الكون يكمل نصابه
وصلوا على المرسول بالحق وصاك=عّد الحروف وعّد منهو قرابه

اخوكم :مشعــــل الشمــــري "ابوياسر"

[فيصل بن حجرف]

ماعليييك زود ومرحبا بك يابو ياسر في محلك وفي منتداك
وصح لسانك على القصيدة الجميلة والكلمات الرائعة
ويشرفنا ويسعدنا انظمامك لنا في المنتدى
وان شاءالله انك تفيد وتستفيد,, وفي انتاظر مساهماتك ومشاركاتك القيمه

[مـحمـد]

الاخ ابو ياسر يامرحبا ومسهلا حياك اللهب ين اخوانك في منتدى العجمان
وانشاءلله تفيد وتستفيد وتكون عضو دائم ومتميز واتمنى لك التوفيق وصح لسانك على هذه القصيده .

[بحوور]

الشمـــري



حيــــــاك اللــــــــه بينــــا

منــــوور العجمـــــان ,,




تحيـــــاتي وتقديـــري

[السلاطين]

أخي العزيز بو ياسر

مرحبا بك عد ما وبل همــل

من ديار السناعيس لديار الســلاطين

من دار "شمر" دار حايل بمسـراك***سواقه اللـي وسـط ليـلٍ سرابـه
تلفي على "العجمان"ياحـي ملفـاك***لابة فخر وعنـد المواجيـب لابـه

أخــوك الســــــــــــــلاطين

[هند]

مرحباً بالأخ القدير ( أبو ياسر الشمرى )
أنت على الرحب والسعه
حياك الله في ديوان العجمان
ننتظر أحلا المساهمات


السؤدد

[AL3AJME]

ارحب يالشمري
ولاهنت على القصيدة الطيبه
وماعليكم زود ياشمر والله اني صادق

[ابوياسر الشمري]

الى جميع الاخوان
شاكر على هذا الترحيب ولاهي غريبه
بودنا لو نشكر كل واحد عى حده
وهذا الواجب

مار ماودي اطول عليكم

لاهنتواااا

[(( سهيل ))]

ارحب يالشمرى ولا هنت على القصيدة
الطيبة اللى ماتجى الا من هل الطيب
سناعيـــــــــــــس.
::+:+:+:+::


بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر

ونــنــتــظــر الإبــداع مــع نــســمــات الــلــيــل
وســكــونــه

لــتــصــل هــمــســات قــلــمــك إلــى قــلــوبــنــا
وعــقــولــنــا

نــنــتــظــر بــوح قــلــمــك

تحيـــاتي

::+:+:+:+::

[كويتيه]

هلا فيك و حيااك الله