جار الزمان وغيّب الخل يا ضيدان=بشكي عليك الحال ياذرب الأيماني

[نايف بن مشاري]

قصيده جديده من كتاباتي اتمنى ان تنال ولو بعض اعجابكم .

ليت الزمان يعود ويرجّع اللي كان=وترد لي الايام مدعوج الأعياني
جار الزمان وغيّب الخل يا ضيدان=بشكي عليك الحال ياذرب الأيماني
من يوم غيّب بان في حالي النقصان=ياكيف ابسلى والغظي تارك اوطاني
ابو رموشن كنها صفّت الميدان=وابو جديل ينتثر فوق الأمتاني
والجسم لا ضامر ولاهوب بالمليان=لاشافها العاشق غدا في خبر كاني
لاشفت زوله بدّد الهم والأحزان=وإلا حكى غيّبت في عالمن ثاني
ياكيف ابنسى زينه الطاغي الفتان=ياكيف بنسى الصوت لامنه ناداني
ياكيف ابنسى مبسمه لاضحك يافلان=جمر وبرد جامعهم الزين في آني
ماظنتي بنساه لو طالت الأزمان=محفوظ حبه وسط قلبي وشرياني
لاشك ليته يرجع الخل ياضيدان=اللي بشوفه يبعد الضيق واحزاني

وسلامتــكم

[زمانك]

صح السانك يا نايف ولاهنت



الشامري

[وضاااح]

صح السانك

[نايف بن مشاري]

ابو محمد الشامري
صح بدنك , لاهنت على المرور والتعليق .

[نايف بن مشاري]

وضاح صح بدنك .

[الجازي العجمي]

نــــــــــــــايف بن مشاري
صــــــــــح السانك ولاهنت
قصيـــــــده رااااااااائعه
.
.
ياكيف ابنسى زينه الطاغي الفتـان
ياكيف بنسى الصوت لامنه نادانـي

ياكيف ابنسى مبسمه لاضحك يافلان
جمر وبرد جامعهم الزين في آنـي

ماظنتي بنساه لو طالـت الأزمـان
محفوظ حبه وسط قلبي وشريانـي

لاشك ليته يرجع الخـل ياضيـدان
اللي بشوفه يبعد الضيق واحزانـي
انشهد

تقبل تحياااااااااتي

[نـاصـر]

صح لسانك واعتلا شانك

وفي انتظار جديدك يامشاري

[بوصقر]

صح السانك ولاهنت على القصيده

[كبير المقام]

صح الله ألسانك على القصيده الجزله

[مـــدهـــآل]

صح السانك

قصيده جزله