فتاه تستغل الاطفال

[طيف]

فتاه لديها صديق يملك محل تلفونات .في احد الاسواق
عمرها لم يتجاوز الخامسه والعشرون.
ارادت ان تدخل شريكه مع صديقها في المحل ولكن ليس لديها راس المال
قال لها صاحبها ممازحا (قولي لصديقاتك يغازلون ويكلمون اكبر كميه من الشباب ) اخذ الكلام يدور في ذهن هذه الفتاه ثم خطرت لها فكره نفذت اول خطواتها في اول رقم مبرمج في تلفون اخيها الصغير الذي لم يتجاوز الخامسه عشره (مع العلم انها تملك خط سري غير خطها المعروف لدى اهلها)
اتصلت على صاحب اخيها الصغير :
الفتاه:الو
الولد:هلا
الفتاه :منو؟
الولد:انتي اللي منو ؟
الفتاه :وين صاحب التلفون؟
الولد:انا صاحب التلفون
الفتاه:عرفتني؟
الولد:لا
الفتاه :انا اللي اخذت منك الرقم بالسوق(طبعا كذابه بس تبي تلوته )
الولد:هلا والله وينج طولتي الله يهداج(طبعا يكذب لا رقم ولا شي )
الفتاه :شسوى على ماحصلت فرصه وعلى ماعبيت جهازي كرت لانه كان مافيه ولا فلس 0
الولد:حاضرين نعين ونعاون
طبعا الولد اول مره يكلم بنت وراح فيها بدا يحس بمشاعر غريبه يمكن مشاعر الحب0
بعد فتره من الزمن وبعد عشره دامت اسبوع تقريبا تنفذ الفتاه خطتها
الفتاه :حبيبي انا ماقدر اكلمك اليله
:الولد:ليش ياعمري ؟
الفتاه :ماعندي رصيد
الولد :بس اجيبلج لو تبين كليوم
الفتاه :ياحياتي لا ماله داعي
الولد:لا ياعمري انا ماستغني عنج
الولد راح لامه او ابوه واخذ فلوس اشترىكرت وطرشه مسج حق الحبيبه ولما يوصل الكرت عند الحبيبه تتصل على الولد المولع اللي قدرت تبرمجه وتخليه رهن الاشاره وتقوله مشكور ياعمري عذبت نفسك وشريتلي كرت ياحياتي بس ماقلتلي ابو كم الكرت هذا ولما يقولها سعره اهي بدورها ادزه حق حبيبها صاحب المحل اللي يشتريه منها بأقل من سعر السوق بنص دينار وصاحب المحل يسجله بورقه ويسجل سعره عنده وطبعا مايبيعه حق اي زبون 0يبيعه حق اصحاب المحلات اللي يمه 0من محلات ذهب او ملابس او تسجيلات لانهم يعرفونه عدل ويثقون فيه اويبيعه لربعه اللي يعرفونه جيدا 0
وكانت هذه الفتاه قد وسعت علاقاتها الي مايقارب ثمانيه من اصحاب اخيها الصغير وكانت الارصده التي تأتيها متفاوته الاسعار (نقطه صريحه لم يكن يقل سعر الكرت الواحد عن خمس دنانير )وتأتي اخر الشهر وتأخذ نصيبها من صاحبها صاحب المحل ولم يكن نصيبها يقل عن المائه دينار نهايه كل شهر 0
الي ان طرق الباب ذات يوم اخيها الصغير وقال لها :فلانه ماعندج خمس دنانير وقالت في نفسها لا يكون نفس ربعه بعد (مداعبه )
الدافه لروايه هذه القصه الانتباه لاخوتنا الصغار وسلوكهم ومراقبه المسجات في نقالاتهم ومع من يذهبون ويجالسون 0000الخ

وشكرا لكم 0

[فيصل بن حجرف]

السلام عليكم

مشكوره على القصه ياطيف

والله شي محزن لما نسمع القصص هذي

خصوصا في مجتمع محافظ ومجتمع اسلامي

لكن مانقول الا الله يصلحهم ويهديهم

تحياتي

[كويتيه]

والله تفكير عجيب.... راحه سالفه ولا تخطر على البال...
صج انهم نصابيين..
يعطيج العافيه يا طيف

[اليامي]

ههههههههه

مشكوره يا طيف

صراحه شي صدق ما يخطر على البال


تحياتي

[المحامي]

مشكورة يا طيف على المشاركه

[cool]

السلااام عليكم ورحمة الله وبركاااته

كل اللي سوته علشااان الفلووس لاحول ولا قوة الا بالله .

مشكوووره طيف والله يعطيش العااافيه .


كـووول

[عزوف]

يا ويلها من الله


وفعلا كما تدين تدان ومثل ما سوت بعيال خلق الله صار بخوها !!!


عموما تطور النصب بشكل مرعب لكن الشي العجيب ان حتى البنات امتهنوا هالمهنه !!!! عفيه جراءه !!!!!


اختي الغاليه بالفعل المفروض تكون هناك رقابة صارمه على الاطفال واذا زاد صرف الولد او البنت للكروت اعرف ان وراه سر لا بد من معرفته


كلكم راع ومسئول عن رعيته

يعطيج العافيه يا طيف على هالمشاركه الحلوه

[طيف]

اشكر لكم مروركم الجميل