ما جيت أدوّر علي هداج وألعب معه

[البركان الثائر]

سلام والبيت مبني في حمي المجمعه=الله يعين الرجال أتمسس أشنابها
ما جيت أدوّر علي هداج وألعب معه=حضار ساحاتها من دون غيّابها

[هداج تيما]

يا مرحبا والكلام الزين من مطلعه=بنت الهوي والغزل ماني من اصحابها
هداج مثل البحر يطفي اللهب من سعه=يطفي لهبها ويقطع راس شبابها

[البركان الثائر]

ما همني لو يجون أثنين وألا أربعه=حنا نعرف الحرايب منت حرابها
حنا تري خصمنا ما واحد(ن)يمنعه=أعيالنا وارثه عادات شيابها

[هداج تيما]

بركان وش فيك تهرج كل ما تسمعه=تري بيوت العرب ما صكوا أبوابها
حنا ما نجري وري الصيحات والمعمعه=الروس لامن غضبنا نقطع أرقابها