الفــــــــــــقــــــــيــــــــــــــــــر

عجمية مردده · #1 15-08-2004, 04:06 AM

فقير

فقير .. و عندي المال الكثير ..

فقير.. و ملبسي غالي حرير ..

ويا صاحبي الحافي الفقير..

أبنشدك .. أبسألك .. وشّو الحصير ؟

وبسألك ..شلون أنا آمر و أنهى ؟

واذا حكيت ..

قبل أنتهي من كلمتي يقال لي سم ويصير ..

ولا شكيت من غفلتي .. طوّل زمنها ..

يقال لي لا تشتكي

.. ما خلقت الشكوى لأميرْ..

وبسألك .. شلون أنا مع كل ذا ..

أقول عن نفسي فقير ؟

****

يا صاحبي .. لا صار للضحكة ثمن ..

وصاروا أصحابي كثير .. بس بثمن ..،

والوفا ما به وفا .. إلا بثمن ..

أبسألك ماني فقير ؟

ولا صارت أقوالي حكم ..

ولا قالها غيري غدت حكي قديم ..

أبسألك ماني فقير ؟

و لا صرت أنا .. مانب انا..

واذا غلطت قالوا صحيح..

و كل شيٍ أعمله يصبح عظيم ..

أبسألك يا صاحبي ماني فقير ؟

****

ويا صاحبي أبنشدك ..

لا من جفتني دنيتي ..

وابتدا الدرب الطويل .. إللي أبد ما ينتهي..

وانتهى العز القديم .. وما كنت أظنه ينتهي..

والموت بدّد فرحتي.. وحطوني في قبرٍ صغيرْ..

وحزنوا عليْ .. وبكوا هليْ..

وناس من ربعي قليل..

وارتاح من وجهي كثيـــر..

وبقيت وحدي في حيرتي .. ما به أحَدْ..

لا طال عمرك .. ولا تحت أمرك ..

ما غير أنا و خوفي ولَحَدْ .. وحساب قدّامي عسير ..

وقتها ذكرت .. إني من زمان..

يوم إنه أمهلني الزمان..

هذا ظلمتْ .. وهذا جرحتْ .. يا ما كذبتْ..

وذنوبي ما تحصى كثيرْ ..

وقتها إلا ندمت .. ونفسي كرهت..

عرفت إن الله كبير.. وان الهلاك أصبح أكيد..

واني أنا .. مالي رجا.. ولا هروب من الدجا ..

من الجحيم..

إلا بأمل عندي وحيدْ ..

إن الله غفار ورحيم ..

أبسألك يا صاحبي عني أنا ..

في وقتها .. ما ني فقير ؟

الأمير : عبد الرحمن بن مساعد

تقبلووا تحياتى

عجميه

ابوحمد الشامري · #2 15-08-2004, 11:18 AM

لا هنتي يا السنافية على هذه القصيدة الرائعه وعلى النقل الاكثر من الرائع لشاعر المبدع الامير عبدالرحمن بن مساعد.

ابو حمد الشامري

قبلةالعجمان · #3 15-08-2004, 09:21 PM

صححح لسانج اختي .........

بس يا ليت المرة الجايه توضحين الخط ....

تقبلي سلامي

عجمية مردده · #4 17-08-2004, 04:32 AM

اخى الغالـــــى الشامرى

اشكرك على مرووورك الحلو

اختك

عجمييه

عجمية مردده · #5 17-08-2004, 04:37 AM

مفلح · #6 17-08-2004, 11:29 AM

ويا صاحبي أبنشدك ..

لا من جفتني دنيتي ..

وابتدا الدرب الطويل .. إللي أبد ما ينتهي..

وانتهى العز القديم .. وما كنت أظنه ينتهي..

والموت بدّد فرحتي.. وحطوني في قبرٍ صغيرْ..

وحزنوا عليْ .. وبكوا هليْ..

وناس من ربعي قليل..

وارتاح من وجهي كثيـــر..

وبقيت وحدي في حيرتي .. ما به أحَدْ..

لا طال عمرك .. ولا تحت أمرك ..

ما غير أنا و خوفي ولَحَدْ .. وحساب قدّامي عسير ..

وقتها ذكرت .. إني من زمان..

يوم إنه أمهلني الزمان..

هذا ظلمتْ .. وهذا جرحتْ .. يا ما كذبتْ..

وذنوبي ما تحصى كثيرْ ..

وقتها إلا ندمت .. ونفسي كرهت..

عرفت إن الله كبير.. وان الهلاك أصبح أكيد..

واني أنا .. مالي رجا.. ولا هروب من الدجا ..

من الجحيم..

إلا بأمل عندي وحيدْ ..

إن الله غفار ورحيم ..

أبسألك يا صاحبي عني أنا ..

في وقتها .. ما ني فقير ؟

عزالله... إلا فقير ومنتهي

تسلمين يالعجميه على النقل والإختيار المميز

عجمية مردده · #7 17-08-2004, 06:38 PM

اخى العزييييييييييييز

مفلــــــــــح

مشـــــــــكور على مرووورك الحلوو

تقبل احترامى

عجمييه مردده

عيد بن شدقان · #8 17-08-2004, 06:44 PM

عجميه مردده
الله يعطيش العافيه على النقل الاكثر من رائع

عجمية مردده · #9 18-08-2004, 04:35 AM

اخى الغالى

الراكــــــد شكرا على المرووور الطــــــــيب