لـــبــى الــــعــرب؟؟

سالم بن جخير · #1 21-03-2006, 11:00 AM

الليله اللي بدايتها قصيد وطرب = تكاشف ابروقها لاحنّت ارعودها

هيهات هيهات واللي مايطول العنب = يشره على شجر ِته لو طال عنقودها

والجادل اللي تفاخر بالحسب والنسب = وشلون ماتفتخر لاعدّت اجدودها

كنت احسِب الدم ياصل دونها للركب = إلين ساقتني الاقدار لحدودها

امهايطيه ولاتهتم فطلق شنب = لسترسلت فالحكي ياحي مارودها

من صوتها العذب تطعني بليّا سبب = وانا ا تحمّل خناجرها وبارودها

الا على طاري الطعنات لبّى الهدب = لبيه لبيه لامن سلهمت سودها

قالت عشا قلت مستعجل وقالت شبب = هي فاهمتني وانا فاهم لمقصودها

دخلت في ربعةٍ فيها ادلال ومشب = وصبّت من الدله اللي فايعٍ عودها

(لبى العرب) ياحليب الذود لبى العرب = من يوم قالت تعال وبهّلت ذودها

انا اشهد انها على ماقيل عز الطلب= واحترت مابين حقتها ومفرودها

لاجيت اوصّف وش اوصّف ويا للعجب = الليل فجعودها والصبح فخدودها

والله ماكن فيها اعظام ولا عَصَب = عزاه لامن تثنّت وانثنى عودها

وانا انتحاري على الفطره واحب النشب = والبنت من جودها وافقت ماجودها

لمحت فعيونها كلام كلّه عتب = سئلتها ليش لكن كان مردودها

قالت سلمنا ولكِنها سلامة عطب = والله يستر من العالم ومنقودها

ليله وعدت ولادري كيف طاح الحطب= ان باحت اسدودها ماباحت اسدودها

والله لو قيل عدها واخذ وزنك ذهب = والله ماعودها والله ماعودها

سالم بن جخير

فيصل الخالد · #2 21-03-2006, 11:18 AM

لاهنت ياابن جخير

صح الله لسانك على ذاالقصيده الجزله

نكاد نشم رائحة العطر بين سطورها

الله يعطيك العافيه

برق الوسم · #3 21-03-2006, 12:14 PM

لله درك شاعلرنا مبد سالم بن جخير
على هاالرائعه ودام ابداعك ياخوي كذا
الشعر والابلاش0000000000000
وتسلم ولاهنت يالسنافي رائعه الى ابعد الحدود
تحياتي مع صادق الود
اخوك برق