ياوجودي وجد من حدته سود الليال00

[المارد الشعري]

ياوجودي وجد من حدته سود الليال =للدروب المضلمه والهجوس المبهمه
كل ماعمر بالامال بيت في الطوال = راح حظه قدم عينه لبيته وهدمه
عزمه يشله من القاع لي روس الجبال = وحظه يخيب هقاويه ويشل اقدمه
لاجتهد ثم اعتدل حظه بكم شي مال = لين بارو به ربوعه ودمه ولحمه
ياوجودي كان مالي على الصبر احتمال = من امور تعومس الرجل وتفور دمه
فيه شي يقال واشياء وااجد ماتقال = وكل شاعر ينعرف من لسانه وقلمه
الجزل يسكت واليا قال ماقال الهزال =والهزل مهما تركز معه ماتفهمه
بي شعور نذر مابه ولا ذرة خيال = اغلبه باقول بعضه وبعضه بكتمه
لجل مايحتس مني رفيقي من خلال = فهمه الخاطي لمبهم حروف الترجمه
ياوسيع الصدر يالعارفه يابن الحلال = شل من راسك هجوس الظنون المظلمه
واترك انك اتقول هذا احد صبيان ال = وانك بتذكيره بفعل جده تلزمه
كل دلة كيف لابد تاليها حثال = والمراجل في صدور الرجال مقسمه
بس اذا هو من خيار العرب وان قال طال = وانت من ربعه وجيته ولا سرك لمه
والكريم اللي كرايمه لضيوفه جلال = ومابعد جاه ظيفه وكرم مااكرمه
والنعم لكن لي صار للفزعه مجال = وجيته وماقال لي تم شابغي بكرمه
اكرمه له جعل خيره يطول او مايطال = والله يبارك فحاله وماله وغنمه
لو تعذر من معاونتي بشل الثقال = شلتها لو صار من ثقلها لي ارزمه
بس دام الله ماعانه على فعل الجزال = ودي اقابله واقول له وأفهمه
كل رجل يحب ينفع مطاليق الرجال = ايتضايق لاغدت حاجته عند ارخمه
لكن الطيب لاعييومعاثير العيال = شاف له رجل يعرفه سنافي وخدمه
ماتضيق الاعلى اللي ماعنده راس مال = في بنوك الطيب ماله رصيد يخدمه
وصدق من قال مال الحمول الا الجمال = وان مال الرجل في ضيقه الا محزمه


وسلاااااااامتكم
والمعذره مااعرف الشاعر

[الجويّر]

صـــــــــــح لساااااااااااان الشاعر اللي ماتعرفه



وشاكرلك على اختيارك يالمارد الشعري 0 اختيار ممتاز





والله يعطيك العافيه وبانتظار اختيارك الجديد يالشيخ






تحياتي / الجويّر

[شاوييش]

لاهنت يالمارد
على الاختيار الجميل والنقل الاروع
وصح لسان شاعرها قصيده جزله

تقبل تحياتي

[عيد بن شدقان]

الله الله الله

يالمارد الشعري

اختياار جزل ورائع
لا هنت
وصح السان شاعرهااا
ولك تقديري

[جمرة غضى]

الله



صح الساانك يالمارد ولسان شاعرهاا


وبالنسبه للشاعر فهو..


مشاري المري .. واسم القصيده الهجوس المبهمه



لا هنت يالطيب



تحياتي لك

جمرة عضى

[فلاح بن ملبز]

اخي العزيز : المارد الشعري

دائماُ تتحفنا في قصائدك الرائعه

وصح لسانك ولسان شاعرها

ولاهنت على النقل والاختيار الرائع

ولاتحرمنا من جديدك

[^تسـوااهن^]

الله الله

صح الله لساانة ( من كان يكوون )

وتسلم يمناااك على النقل لراائع

[ملك الليل]

بسم الله الرحمن الرحيم


يعطيك العافيه..... وقصيده اكثر من رائعه..


اخوك..

[Abdullah-Alajmi]

السلام عليكم ورحمة الله وبركاته صح لسانك والله الشعر الطيب

[بن عجمـــــــــــــى]

صح لســـــــــــــانك الاخ
المارد الشعــــــــــــرى
قصيدة رائعــــــــــــــة
وصح لسان من قالهااااااااا
ولا هنتـــــــــــــــــــــــــــــــــــ