للطيب وقت وكذلك للقشر حزه

[محمد عبيد]

السلام عليكم ورحمة الله وبركاته

اولى مشاركاتي معكم والله ولي التوفيق

اللي يخزك قشر ملزومٍ تخزه=واللي يعدك قريبي عده قريبي
للطيب وقت وكذلك للقشر حزه=ما كل وقتٍ يبي ينفع به الطيبي
ومن لا يعزك ترى عيب انك تعزه=وابو مشاعيب كزه للمشاعيبي
لا تستوي للطيور الطايره وزه=خلك سوات النداوي له مخاليبي
والرجل لو ما يحاسب كل من كزه=يصير في يّدهم مثل اللعابيبي
لا صار ما له على راع الخطا فزه=يجسر عليه الردي لو كان هو ذيبي
اللي يلزك على درب الخطا لزه=لو كان ذيبٍ شجاع ويقنب قنيبي
بالقعل تقدر عليه وتقدر تجزه=بالجزه اللي تجّود بالعراقيبي
دوك الجبل بالشجاعه محدٍ يهزه=لكن بالعقل هزوه النواجيبي
خلك شجاعٍ ولك عقلٍ ولك عزه=تمشي على المرجله وتجّنب العيبي
والمرجله نيلها يحتاج له دزه=ما نالها كل من عدى المراقيبي
والرجل لا صار ما له فعلٍ يرزه=ما ينتوجب ليا جات المواجيبي
ابو عبيد

[عـزام]

والمرجله نيلهـا يحتـاج لـه دزه=ما نالها كل من عـدى المراقيبـي
والرجل لا صار ما له فعلٍ يـرزه=ما ينتوجب ليا جـات المواجيبـي

الله الله يا ابو عبيد وعزالله صدقت

اول شى يا مرحبا بك يالقرم وحياك الله فى محلك .

ويسعدنا تواجدك ومشاركاتك معنا.

وصح الله لسانك واعتلا شانك

وبانتظار جديدك

[محمد عبيد]

ياهلا والله وغلا بخويي عزام الله حيه

صح الله بدنك يالغالي وابقاك الله

شف طال عمرك طب في بساتين التحايا واقطف ارقها واطيبها لشخصك الكريم

خالص التقدير لك يالقرم

ابو عبيد

[عـزام]

اررررررررررررررررررحب يا ابو عبيد الحين تأكدت من توقيعك يالقرم

يا مرحبا والله ومسهلا من طول الغيبات جاب الغنايم

والله فقدناك يا ابو عبيد واللى مثلك وشرواك ينفقد.

والله يحييك مره اخرى فى محلك بين ربعك واخوانك

[محمد عبيد]

الله يبقيك يالخوي

وهذا والله من طيبك وطيب اصلك ولا نستغرب الطيب من اهله

تسلم على التثبيت لا شلت يمناك

لك خالص التقدير

ابو عبيد

[الجويّر]

المشاركة الأصلية كتبت بواسطة محمد عبيد

السلام عليكم ورحمة الله وبركاته

اولى مشاركاتي معكم والله ولي التوفيق

اللي يخزك قشر ملزومٍ تخزه=واللي يعدك قريبي عده قريبي
للطيب وقت وكذلك للقشر حزه=ما كل وقتٍ يبي ينفع به الطيبي
ومن لا يعزك ترى عيب انك تعزه=وابو مشاعيب كزه للمشاعيبي
لا تستوي للطيور الطايره وزه=خلك سوات النداوي له مخاليبي
والرجل لو ما يحاسب كل من كزه=يصير في يّدهم مثل اللعابيبي
لا صار ما له على راع الخطا فزه=يجسر عليه الردي لو كان هو ذيبي
اللي يلزك على درب الخطا لزه=لو كان ذيبٍ شجاع ويقنب قنيبي
بالقعل تقدر عليه وتقدر تجزه=بالجزه اللي تجّود بالعراقيبي
دوك الجبل بالشجاعه محدٍ يهزه=لكن بالعقل هزوه النواجيبي
خلك شجاعٍ ولك عقلٍ ولك عزه=تمشي على المرجله وتجّنب العيبي
والمرجله نيلها يحتاج له دزه=ما نالها كل من عدى المراقيبي
والرجل لا صار ما له فعلٍ يرزه=ما ينتوجب ليا جات المواجيبي
ابو عبيد

ماشالله عليك





عيني عليك بارده




وصح لسانك مليون ومايكفون يامحمد عبيد





والله يعطيك العافيه وبانتظار جديدك ياجزل




تحياتي / الجويّر

[محمد عبيد]

ياهلا ومسهلا بالجوّير

صح الله بدنك ياصاحب توقيع الملوك

اسعدني مرورك هنا

اطيب التحايا

ابو عبيد

[فلاح بن ملبز]

محمد عبيد

صح لسانك على ذا القصيده الجزله

ويعطيك العافيه على ماقدمت لنا

ولاتحرمنا من جديدك يا ابوعبيد

[محمد عبيد]

فلاح الله حيه

صح الله بدنك يالغالي

اسعدتني رؤيتك هنا

ابو عبيد

[مهرة الصمان]

محمد صح لسانك على كل بيت خطة قلمك ولاهنت ابيات رائعه كل بيت فيها عن قصيدة كاملة
اشكرك على مشاركتك وبانتظار ماتجود به علينا نحن بانتظارك
لك كل التحية يابو عبيد