إلى من أشتكي؟ و لمن أناجي ….. إذا ضاقت بما فيها الصدور
بما ان مشكلتي "انترنتيه"...ساشكوها بالطريقه "الانترنتيه" ايضاً..هنا
بداية المشكله ..كان في يوم "عادي" جدا ..لامطر ولا ليله بارده..ولا الناس في سكووون..
كان يوم كسائر الايام..الميته...الا اني كنت خارج البلاد...تصفحت "النت"..وبطريقه تقليديه ..دخلت
على شؤوني "الانترنتيه" ومنها دخول ..منتدى "العجمان" ...
الغير تقليدي في الامر...اني وجدت ان المنتدى ..تعرض لضربه ارهابيه من قبل الهكرز..وتم وضع
رسالة الهكرز وهي عباره عن "ايميله"..."اعتقد" اني كنت اول شاهد عيان للضربه....
الماسنجر يخبرني بقدوم احد مشرفين المنتدى...بكل ذعر ..هجمت عليه اخبره بما رايت...وبكل هدوء
قال..اللحين اتصرف...
المشكله الان بدات
وانا جالس داخل دائرة وقت الانتظار..جاتني لحضة لقافه..ونسخت الايميل..وارسلت له دعوه!!!
استقبلها..بوقت ااستقبال..تم التعامل معه من قبل المشرفين...وردوا هجماته ..على "قفاه" وكأن
شي لم يكن!!
اللحين..."الطاعون" معاي ماسنجر!!
توقع مني ان اكون هجومي معه...
لكن
بما انه هكرز..وقرصان..ويقدر يبهذل حياتي "الانترنتيه" ..
قلتله
"زين سويت ..هالمنتدى هذا اكره..واللي سويته ثلج على صدري"!!
تعرفون
ومن نكد الدنيا على الحر ان يرى..عدوا له مامن صداقته بدُ
ومن يومها صار صديقي..هالقرصان "الانترنتي"
كل يوم يعطيني روابط مواقع وايميلات...ضاربها ..ومرات يطلعلي بالماسنجر بحركات مره يدخل وايميله ممسوح وشغلات عجيبه غريبه..
...
مره قلت بنصحه..بكسب اجر
_انت موهوب ماشاءالله عليك..تضيع وقتك بالمساكين..الله يالمواقع اللي تضربها شدعوه البنتاغون اللحين!!
-يعني شتبيني اسوي؟؟
-سولك شي..حرفتك بالنت مو شرط اختراق مواقع وايميلات..سو لك برنامج اطلع فيه..نفس هالهندي هو اللي سوى الهوت ميل...طلع ذهب منه
-"ضحكه"
-والله احسن لك ..انت ماتدري انك تضايق العالم؟؟
-"علامة تعجب"
-"واعطيه انا بعد علامة تعجب"
-انت اللحين قاعد تضايقني
.....
من بعدها قلت يصطفل...وراح اعطيه بلوك ...بس فكرت اذا عطيته بلوك ..راح يدري ..واذا درى.."بربلم"
...
جهازي عمره الافتراضي قرب...ماني ناقص اشبك الا ايميلي مضروب..وجهازي مخترق....
عاد مخزن صورة
"ارسطو"
ماتسوى بكره الاقي صورته..بغرف الدردشه
....
اريد...حلاً!
05-01-2007, 05:39 AM
العرض المتطور
