انت والمطلاع/ لحمد بن دريب

[عيد بن شدقان]

يقولون القصيد احساس واحساس القصيد ابـداع=وانا من وين ما اوجه قصيـدي جـاك بأحساسـه
ترى ماساقني صوب القصيد الا انـت والمطـلاع=هجوسـي منـك والمطـلاع لا شرفـت نسناسـه
يحن القلب من بين العروق ومـن ورى الاضـلاع=وخطاك اللي ذبح مغليك خـلا النفـس محتاسـه
تداهم كبريائـي وحشتـك وافـز قبـل انصـاع!!=لتيـار الولـه والشـوق مايرفـق علـى ناسـه
على ذالحـال ياشيـن الجفيـا والرجـا ماضـاع=بعد ربـي بقلـبٍ مـن حنايـا صـدرك انفاسـه
اعرف الصيف من حر المكان ومن شحوب القـاع=واعرف الهـم لاصديـت مـن راسـه لكرياسـه
واعيش الليل واشكي الحظ منك والصـدر ملتـاع=وانا من قبل اعرفـك ماشكيـت الحـظ وافلاسـه
على لامـاك ماخليـت صدفـه والـدروب انـواع=اسوي لك صدف ولا الصراحه سـرق واخلاسـه
تراودنـي مجاهيـم النوايـا وانــت ماتنـبـاع=واشتتهـا بفكـرٍ فـي الوفـا والعـز مجـلاسـه
سقى الله قبل اعرفك واعرف دروب الهوى وانصاع=وقبل لا اسمع بعشقٍ يطرح العاشق علـى راسـه

[AL- JOORY]

الله الله

يقولون القصيد احساس واحساس القصيد ابـداع=وانا من وين ما اوجه قصيدي جـاك بأحساسـه
ترى ماساقني صوب القصيد الا انـت والمطـلاع=هجوسي منـك والمطـلاع لا شرفـت نسناسـه

تسلم يمينك أخي الرائع ذياب .... وصح لسان الشاعر حمد بن دريب


تقبل فائق التقدير والإحترام

[اطياف الماضي]

صح الله لسان الشاعر حمد

ولاهنت اخوي ذياب على هذا الاختيار الجميل

تقبل تحيتي

[جمرة غضى]

سقى الله قبل اعرفك واعرف دروب الهوى وانصاع

وقبل لا اسمع بعشقٍ يطرح العاشـق علـى راسـه



ياسلاااام




صح السااااااااااانك مليووووون ولساااان ابن دريب



ابيااات روعه واختيااار اروع..



لاهنت يالطيب




تحياتي لك


جمرة غضى

[بن عجمـــــــــــــى]

لا هنت الاخ ذيــــاب
وصح لســـــانك
وبن دريب
اختيار رائع كل الشـــــــــكر عليه

[سند]

ذياب

الله لايهينك

ومشكور دبل يا الغالي

تقبل تحياتي,,,

[عيد بن شدقان]

الجوري

اهلاا وسهلاا

الله يسلمش
والرائع هو حظورش هناا

ولكي شكري وتقديري

[عيد بن شدقان]

اطياف الماضي

يامرحبااا

والجميل هو مرورش هنااا


ولكي شكري وتقديري

[(_. ._)]

الله يعطيك العافيه اخوي ذياااب على هالاختيار الجميل

[ناصر بن فالح]

الله الله

صح لسانه

ولاهنت ذياااااااااب على النقل