السلام عليكم اخواني .
هذي قصيده اعجبتني في معانيها وحبيت اقدمها لكم .
أنا الصديق اللـي لياطحـت شالـك
لضامتك دنياك والوقـت بـك مـال=
أنـا يمينـك شدنـي فـي شمالـك
يمنى بلا يسرى ترى حالهـا حـال =
انـا عـزاك وعزوتـك لا جرالـك
من تاعس الدنيا هواجيس واهـوال=
ماني من اللي لاغتنـى مـا وفالـك
لو لك عليه من الجمايل والأفضـال=
وماني صديقك كان وقتـك صفالـك
أنا صديقك لأدبرت فيـك الاحـوال=
خذني عصى موسى إذا كنت هالـك
لمسحلك بحور القهر قـول وافعـال=
فالك عسى الله يسعـد اليـوم فالـك
فالك عقب صوم الدهر عيد شـوال=
وبالك يجي في خاطرك يـوم بالـك
انك تغيـب ولاتجيلـي علـى بـال=
لا .. لا تفكر انت فـي مثـل ذلـك
إني اتخلى عنك لـو الزمـن طـال=
ما اقول انـا ياعـم مالـي ومالـك
ماترخص العشره ولا تغنـي امـوال=
اسمع جوابي قبل ما اسمع سؤالـك
خارج حدود التغطيه وارسل ارسـال=
على محيـط السالفـه حـط دالـك
أجيك رجلي كان مـا جيـت خيـال=
انا لياشـح الزمـن فـي وصالـك
تمدني النخوه علـى وصلـك حبـال=
انا عمـى عيـن العـدو لا نوالـك
انول روحه قبل مـا روحـك تنـال=
بينك وبين الشمس شجرة ضلالـك
ماللشجـر قيمـه إذا مالـه ضـلال=
والليـل لـو الليـل مظلـم وحالـك
ترسمني الظلمى على صدره هـلال=
ماني ولد عمـك ولا اغلـى عيالـك
خطوى الخوي يسوى بني عم وعيال=
11-01-2006, 08:47 PM
العرض العادي
