انا ماني نبي ولارسولٍ يهدي المرتاب

[عايض البقمي]

انا باطرح قضية والنقاش يبين الأسباب=نبى جلسة تبين ماطرحت وتعلن أسبابه
رفيقك وأبن عمك مسندك لابانت الأنياب=لكن المشكلة بالوقت هذا يجرحك نابه
يزور فالكلام ويبهتك بالكذب وأنت غياب=وعهدٍ فات لاغاب الرجل محشوم لغيابه
يسره لو يشوف الضيق فالرجال والأتعاب=ويحزن لو يشوف إنه سعيد وزالت اتعابه
ويفرح لو حداك الدين وصكوا من وراك الباب=هذا شأن الردي عسى الولي يصك له بابه
لاشافك مجلسٍ للطيب قام يفتل الأشناب=حسود ونيته سوداء عساه تنتف أشنابه
تراه بديرته فالليل بومة والنهار غراب=يجمع ماسمع فالليل لأجل الصبح يسعا به
يطيب الرجل راع الطيب يبقى والردي ماطاب=تمر سنين عمره بالردى عايش ويشقا به
وجينا للصداقة والصديق اقرب من الأقراب=صديقك صار ابن عمك رفيقك وأنت تدرابه
لكن اشوف شيء من المصالح صار فالأصحاب=تراك بوقت يارجال لارفقه ولا لابه
ترى حل القضية دين ربي وضحه في كتاب=ومرسل سيد الأمة وعهده حافظ كتابه
أنا ماني بعالم بس ودي نعرف الأسباب=تراها واضحة لايتعب الباحث عن أسبابه
ألا ياللي تكبر وأنت بالأمس القريب تراب=تراباً منه ربك خالقك وتعود لترابه
الا ياسعد من صلى وزكى ثم حج وتاب=يعيش ايام عمره في نعيم وتكثر أصحابه
مصيرك موتٍ محتم ثواب يجيك ولا عقاب=يثاب المسلم الخيّر وغيره ياخذ عقابه
ويفتح باب قبرك يابراد يجيك ولاشهاب=هذا حقك ومن ربك بتومن به وترضا به
هذا شيئاً موكد فيه يومٍ للعبيد حساب=يحاسب ربي عباده وكلآً عارف حسابه
ليا منك دخلت القبر ماتنفع ترى الأنساب=تروح عظام هيكل والعمل مرفوع تجزا به
ترى ربك محذر من عذابه ياذو الألباب=يضاعف لك عملك الزين كثّر منه تكفا به
بتبعث بعد موتك وأنت عريانٍ بدون ثياب=وتحشر والعرق حسب العمل يرقى وترقا به
بيفرح من عمل صالح وياكل من مالذ وطاب=ويسكن في جنان الخلد والله موعد أحبابه
ويحزن صاحب السئية وينزل في حديد مذاب=ويسكن في جهنم جاره الشيطان وأحزابه
انا ماني نبي ولارسولٍ يهدي المرتاب=أنا مسلم غيور وديني الأسلام وأهدا به

[نسل الطويل]

الله الله



مبدع كعاادتك اخي عاايض


ويشرفني اني اكون المقعد الاول




صح لسانك ولا هنت

[عبير]

الله الله


على التجلي هنا .. والوضوح ..

قصيدة سريالية جميلة المعنى


تقول يا عائض البقمي

انا ماني نبي ولارسولٍ يهدي المرتاب

بيت جميل جداً تطرق له الكثير

الا ترى ان " نبي ورسول " أتت بمعنى واحد؟

لو قلت ماني اله ولا رسول

أو العكس ..

" وجهة نظر" لانقد

والأمر جله إليك في تقبله أو رفضه

[عايض البقمي]

نسل الطويل

مرورك شرف لاعدمتك يالذيب شكرا لك وصح بدنك

[عايض البقمي]

المشاركة الأصلية كتبت بواسطة عبير

الله الله


على التجلي هنا .. والوضوح ..

قصيدة سريالية جميلة المعنى


تقول يا عائض البقمي

انا ماني نبي ولارسولٍ يهدي المرتاب

بيت جميل جداً تطرق له الكثير

الا ترى ان " نبي ورسول " أتت بمعنى واحد؟

لو قلت ماني اله ولا رسول

أو العكس ..

" وجهة نظر" لانقد

والأمر جله إليك في تقبله أو رفضه

اولاً: أختي عبير
مرورك توج قصيدتي كثيراً والأهم من ذلك كله هو التجلي والوضوح اللي قلتيه. واشكرك جزيل الشكر على المرور العظيم .

ثانياً: يااختي عبير ( النبي يختلف عن الرسول) صلى الله عليهم وسلم أجمعين.
كل رسول نبي . وليس كل نبي رسول .. وهذا شيء لاأختلاف فيه . أتمنى وصلة المعلومة واضحة . شكرا لك مرة أخرى على مرورك

[مناحي الصميل]

مبدع في كل الحالات ياعايض

لله درك


صح الله لسانك على هالإبداع

[فيصل بن حجرف]

السلام عليكم ورحمة الله وبركاته

الشاعر القدير والاخ الفاضل عايض البقمي

صح لسانك والله لايهينك على هذه القصيده التي اقل مايقال عنها رائعه بكل المقاييس

[عبير]

الفاضل ..عائض البقمي

أن ما يجعل مزاليج الأبواب تُشرع أمام علامات الإستفهام
وجود "صدور" متسعة وأقلام تجيد العوم
لا أقول ذلك عن لباقه
بل عن قناعه
فلكل عمقٍ مفتاحه

قرأتْ في الشبكة الاسلامية ولك الفضل في زيادة معدل المعرفة
فهناك قولين حول " هل النبي رسول بمعنى واحد " او مختلفان
وإما لفظ"إله" لا أرى حرج في إستخدامه ولا أرى فيه تجاوز
لأنك في الأصل لست بإله وانت تنكر وتنفي بـ "ما" " ماني إله ولارسول"
والتجاوز لو كان العكس ..قد أخطئ وقد أصيب وليس الا اجتهاد شخصي
فأن أخطئت أعلم ان الشياطين قد تلصصت علي وفتكت بي
وأن أصبت فقد رحم الله هذا القلم وارشده

وهذا مثال قد قيل

مانيب ربك لا تطلبني رجاه
.....عان السما واطلب وقول اللي تقول


طيب الله قصيدك ..فهي وافرة وزاخره

[محمد المحلكم]

صح لسانك جزل

[عايض البقمي]

مناحي

صح بدنك ومرورك رائع وشرف يالذيب