كل ماضاقت بوجهي : على الله الخراج
= وكل مازادت حمولي : على الضعف الهبا
وانت ياللي يوم تضمى تورّدها الهماج
= والله أن السيل منك موصّل للزُبى
ليه ترمي بالحجاره وبيتك من زجاج
= كان قصدك ( التفت لك ) فوالله اتهبا
صرت ادري يوم أشوفك أشوفك بازدواج
= وجه ( يمدح ) في أمامي (ويطعن ) في الغبا
تدري أنك يوم تمشي : يبيّن لعوجاج
= وتدري أنه يبان قصرك أذا جينا أجنبا
وتدري أنها لو تعدي : اعديها بمزاج
= ماهي تعدي" دلاخه " ولا اتعدي " غبا "
ماني بشارِه عليك . ولا فيها أنحراج
= شرهتي على احصاني الامنه كبا
لاتنطحها الذواري وتبلش بالعجاج
= وأنت أصغر من هبوبه والاهب اتغبا
مانته بأكبر همومي ومسبب لي انزعاج
= والله اني ماحسبتك ولا أنته تُحسبا
أكبر همومي تورّد لأبو اعيونٍ ادعاج
= واحد ٍ لوني طلبته عيونه ما أبى
واقف ٍ مابين < ضيقي > و < وفلات الحجاج >
= وقبل يطلبني خفوقي أنا قايل : ( جُبا )
كل ماانا آشوف زوله أحس : بابتهاج
= ويوم يقفي آشوف موتي وأدعي : نعنبا
ياغرام ٍ شل عقلي وسبب لي أرتجاج
= شيّب براسي وأنا تو في عز الصبا
والله أن حبه تعدى ولافيها احتجاج
= كثر ما ( بلقيس ) تغليك ياوادي ( سبا )
كل شيى ٍ به جميل ويكيّف بالمزاج
= مثل : ( لذات المرابي ) أذا ذاق الربا
يالله يامن له تعنى ولبى كل حاج
= يا ألاه ٍ يسمع النمل الامنه دبا
تحفظه لعيون شخص ٍ اذا حس احتياج
= ماسجد الا لوجهك ولفروضك حبا
وسلامتكم
العرض المتطور
