يـابـو مــشــاري !

[الجويّر]

السلام عليكم ورحمه الله وبركاته




هذي القصيده موجهه الا اخوي الشاعر ابو مشاري 0 وعسا ان تنال على اعجابكم



القصيده تقول ..

يابو مشاري نصحت القلب ووعيته = عن كل ميله من اصغار ومن اكباري

صغا لي القلب وأيقنته وحسيته = حيث النصايح تفيد ان صار ماصاري

الا عن الحب عنـّـاني وعنـّـيته = لاقلت خلّ المحبه جنّ بافكاري

واقعد اهدّيه حتى الليل ممسيته = احايل القلب موجوع ٍ وسمّاري

والجرح ياخوك ماصدقت داويته = ويرجع كما كان ينزف نزف الامطاري

يبي وليف ٍ عليه العام طوّيته = وطويت شهرين من ذالعام محتاري

لاعاد شفته ولا باللي تناسيته = زوله على باب بالي دايم ٍ طاري

وان قلت زال الخطر والجسم مديته = يفجعني انذار فكري جات الاخطاري

يلعن مكان ٍ جمعنا يوم حبيته = لاعادلي من مكان بضلّ الاشجاري

ولاعادلي بالتمني كم تمنيته = في حزة ٍ ليلها سايد بالانواري

قضيت عمري برجم ٍ به تحريته =وليل التحري كما قصـّـاف الاعماري

وبنشد الحين به قصرت مااوفيته؟ = ولاّ به اوفيت؟ قلّي يابو مّـشاري!



وسلامتكم



الشاعر / سعود ارتيبان الجوير

[فلاح بن ملبز]

سعود بن جوير

صح لسانك مليون

ولاهنت

[ابو صالح]

صح لسانك بو رتيبان قصيدده جزله من شاعر جزل

[الجويّر]

صح بدنك يافلاح الملبز وشاكرلك على مرورك الكريم والمتواصل ولا هنت









تحياتي الجوير

[مهرة الصمان]

الجوير صح لسانك واعتلا شانك قصيدة رائعة

لاهنت وتقبل تحيااااتي

[محمد المحلكم]

صح لسانك

قصيده رائعه

[عجمي في لبنان]

صح لسانك يالجوير والله يعين اللي قلوبهم خضر

[الـــكايـــد]

الا عـن الحـب عنّانـي وعنّيـتـه
لاقلت خـلّ المحبـه جـنّ بافكـاري

الجوير صح الساااااااااااانك

قصيده جزله من راس جزل

[عبدالناصر آل عبدان]

الشاعر العزيز سعود ارتيبان


صح الله لسانك يالغالي

جزل وماتجيب الا الجزل

وااافي وابومشاري وااافي


ودعتك الله

[صديق الملك]

الأخ الفاضل

الشاعر / سعود ارتيبان الجوير

صح لسانك على القصيدة الرائعة ...

قصيدة تفوح برائحة الوفاء لأخ وفي ...

يستاهل أبو مشاري مثل هذي وأكثر ...

أخيك .