اثر للهوى سكره مثـل سكـرة المخمـور=وأنا معـرف ألخمـره ولانـي بصاحبهـا
تعلمـت عنهـا واحـدٍ قـد مضالـه دور=لقيتـه علـى حالـه همومـه يحسبـهـا
وبعد شفت حاله بالردى قلت له ما جـور=وش اللي حصلك يـوم نفسـك تخاطبهـا
تنهت وسولف وانكشف حالـه المستـور=وجـاب العلـوم اللـي وخيمـه عواقبهـا
يسولف عن الهروين والسكـر المعصـور=وأنـا مـر اصـدق جابتـه مـر أكذبهـا
وقال المصيبة من سنين مضـت ودهـور=تجاره خسرت ابها وأنا كنت أبـا اكسبهـا
وقلت أنت وش حدك على الشارع المهجور=وقال أنت مـا تعـرف حيـاةٍ نمـر ابهـا
وصف حالته لا هاض فكره وطفى النـور=لقيتـه يعيـش بحالـةٍ كنـت اعيشبـهـا
أنا حب قلبي وحـده مـن بنـات الحـور=عنود غنوج أغلى الوصايف تضيـع ابهـا
ليا سلهمت بالعين تاخـذ سنـه وشهـور=وكبـدك مـن النضـرة توقـد لهايبـهـا
وهلالين مع بدريـن قاسمهـن المشهـور=وتاصـل مواطيـهـا ثنـايـا ذوايبـهـا
وباق الوصوف امر وادهى مـن المذكـور=اكيـد الوصـوف اللـي تحـدر مناكبهـا
ولا عـاد خلّـت للعـذارا يكـود السـور=وصـوف الغـلا سبحـان رب مرتبـهـا
وعفيف الهوى خلاني اهرج بدون شعـور=جذبنـي هواهـا لعـن ابوهـا ومنسبهـا
وقف دونها لا بعث حيـه عقيـم الشـور=حجرها الحجوري وانسلب راي شا يبهـا
طلبت الوصال وقال عطني حليـب اطيـور=ياخـوك الطيـور الطايـره مـن يحلبهـا
طلبت الوصال وقال عطني حليـب اطيـور=ياخـوك الطيـور الطايـره مـن يحلبهـا
وقلت العرب يا صاحبـي تنكـر المنكـور=وبعـض السوالـف يالسنافـي تجنبـهـا
ترانا هـل الميقـاف والبيـرق المنشـور=وقـال الليـالـي علمتـنـي تجاربـهـا
وقلت انت وش جربت يالمنهـي المامـور=كسـرت القلـوب اللـي هواهـا معذبهـا
ومضالي ثمان اسنين واثر السنيـن ادور=ولا لا رحمة الله كـان رحـت بسبايبهـا
الا يالسنافـي هكـذا سكـرت المخـمـور=وقـال الهـوى يذبـح رجـال بشواربهـا
للشاعر/عبدالله القثامي
03-05-2006, 06:07 AM
العرض المتطور
