لبيك انا يابوي اسبق من خطاك...!!! ... جيتك اسابق لهفتي مع خطايا!!!؟

[مايكبرني لقب!]

السلام عليكم ورحمة الله وبركاته...
قصيده ,, كتبها محمد عبيد مجول العجمي بوالده ...اطال الله بعمره ...
اليكم القصيده ...

تسلم يدين(ن) صافحت كف يمناك.
ويسلم جبين(ن) ماإنحنى للخطايا.
تسلم لنا يابوي تسلم ونفداك.
كل البشر تفداك شيب وصبايا.
جيتك أسوق النجم وطيور الأفلاك.
جيتك أسوق الطيب ويا الهدايا.
لاخير في شعر(ن) كتبته تعداك.
ماأقدر أنا يابوي تربت يدايا
كل السعد فالك وطلت محياك.
تسوى لنا يابوي كل العطايا.
يفدا سنينك عمري اللي برجواك.
ويفدا ترابك عمري ويا حشايا.
أكبر فخر للناس يابوي شرواك.
جعل الولي يرعاك إمن الوشايا.
جيتك أسوق الشعر راضي ويهواك.
تحت القدم يابوي يطلب رجايا.
جيتك أسوق حروف تطلب تمناك.
جاتك تقول عبيد سيدي ومنايا.
يسلم لنا راسك وضحكه ثناياك.
تسلم لنا يابوي ذيك الثنايا.
أبشربنا يابوي درعك مع غطاك.
وإلا على يمناك حوض المنايا.
ذرب اليمين الطاهر لاتعزواك.
سيد شباب الأرض غصب ونكايا.
ياخالد المجول عسى الشر ياقاك.
تبقى لنا ياعم درع ...وحمايا.
لبيك أنا يابوي أسبق من خطاك.
جيتك أسابق لهفتي مع خطايا.
جيتك أشوف القاف هاوي وينصاك.
جالك يعزف البيت لحن وغنايا.
كن الزهر يحيا بقربك ولاماك.
وكن الشجر يعزف لحون المرايا.
كنك نهار الشمس لاطل مناك.
يملا وسع هاالكون دفئ وهدايا.
إنتا سبيل الخير من جاع يرواك.
وإنتا نذير الخير راعي الجزايا.
لو أظلمت سود الليالي لقيناك.
إنت الجبل والناس تحتك حصايا.
حتى المطر ساقه ربيعه وهناك.
يذرف دموعه حب وصل وعظايا.
يقول شوفوا راعي الطيب لاجاك.
شوفوا تراهو عبيد راعي الوصايا.
لله درك ياسعد منهو ينخاك.
ياناصر المظلوم حامي الولايا.
جيتك أعزف الشعر هاوي تغناك.
جيتك أسوق البيت لحن وغنايا.
وإن كان مثلك سيد الكون شرواك.
قلي وأنا يابوي أكسر عصايا..

[سمـــوم]

وإن كان مثلك سيد الكون شرواك.
قلي وأنا يابوي أكسـر عصايـا..




الله الله


صح لسان الشاعر محمد وبيض الله وجهه على القصيده الطيبه

ويستاهل عبيد المجول <<يعني تعرفه


بس شفت قصيده لمحمد المجول حلوه واعجبتني مدري اذا هو نفسه الشاعر والا لا




ويعطيك العافيه يا ..مايكبري لقب .. على النقل المميز ..

[الجامحه!]

كل الشكر لك اخي ((مايكبرني لقب)),,,
الله يعطيك العافيه .. على ذا النقل الطيب...
صح لسانك ولسان شاعرها محمد المجول ...
قصيده (( روووعه))
لاهنت ...
ننتظر جديدك بكل شوووق ,,,
تقبل فاائق احترامي وتقديري..
اختك ,, الجامحه!

[@بنت الصقور@]

صح لسان قايلها وتسلم يدين كاتبها بالمنتدى؟؟

صراااااحة مهما نقول ومهما نسوي مانلحق جزا الوالدين الله يخليهم اجمعيييييييين ويكسبنا رضاهم؟؟


تسوى لنا يابـوي كـل العطايـا.
يفدا سنينك عمري اللي برجـواك
---------------------------------
لبيك أنا يابوي أسبق مـن خطـاك.
جيتك أسابق لهفتـي مـع خطايـا

[فيصل الخالد]

لاهنت مايكبرني لقب على النقل الرائع

وصح لسان الشاعر محمد المجول

قصيده رائعه بكل ماتعني الكلمه من معنى

القصيده قيلت في رجال يستاهل وكل ماقيل فيه شوي

وابومحمد يستاهل المدح راعي نخوه وفزعه عسى عمره طويل

محمد سجلني من المعجبين بقصائدك والى الامام

[مايكبرني لقب!]

اختي الياميه شكرا لك عالمرور المعطر ..
والله يعافيك و اي هو الشاعر نفسه

[مايكبرني لقب!]

اختي بنت الصقور لاهنتي عالمرور الرائع ..
وصدقتي بكل كلمه..والله يعطيك العافيه

[مايكبرني لقب!]

اخي فيصل الخالد مرورك الاروع طال عمرك
والله يعطيك العافيه ولاهنت عالمرور المميز

[الاحرش]

صح لسان الشاعر

محمد المجول

ولاهنت

مايكبرني لقب

[™ عبد الله ™]

يا ســلام ..
صح لســان محمد والله يطول فعمر ابيــه

وكل الشكر لـ ( مايكبرني لقب)