أعجز عن التعبير عن كل ماينتابني حين قرائتي لأي رائعه من روائع هذا (المتعب) ..
هذا الاسم يعشش في ذاكرتي منذ امد طويل اتابع انهماره اينما حلَ وفور قراءتي لقصائده اسمو بذائقتي الى السماء الثامنه....
من أين له بكل هذه العذوبه المختزله في قصائده !!!
لايحتاج أبداً إلى تعريف عند كل مهتم وقارئ للشعر
(( متعـب التركـي ))
" لاتنشغل فيني "
لا تنشغل فيني.. أنـا بحالـي أدرى=قلبٍ تعلَّق فيك ينسـى مـع الوقـت
أكثر من اللي صار لي ويش يجـرى=بين الرجا واليـاس شفنـي تعلقـت
مثلي.. ولو شفته عن همومـه أزرى=ما قال ليتـك فـي جروحـه ترفقـت
هاك القصايد لا تضايقـت.. وإقـرى=شف وشكثر فيها لبسماتك إشتقـت؟
أثر الوفا ينبـاع عنـدك ويشـرى!!=ما كنت أصدق فيك.. واليوم صدقت!
يا مشتهي فرقـا المواليـف حـذرى=تبعد وأنا من سكرة الحب مـا فقـت
لا طافت الفرصه.. تحريت الاخـرى=وتروح! مـا كنـي عليهـا تشوقـت
ساري لو إن الليل مـا فيـه قمـرى=أشيل من حمل الهوى فوق ما طقـت
لا صار حظ أقشر.. والأيـام قشـرى=ما فيه أحد عاقل يلومك إليا ضقـت!
صحيح بعض الناس فرقـاه بشـرى=وبعض البشر لا غاب ليله تضايقت!!
ليتك خذيت بليـل الأحبـاب مسـرى=غربت من كثر الطـواري وشرّقـت
السيل يبقاله علـى القـاع مجـرى=ويبقالك التذكـار لـو كنـت فارقـت
أشوف لك من وين ما رحت ذكـرى=ولا شفتها صديـت عنهـا ودنقـت
ما كل جـرحٍ لا خـذا أيـام يبـرى=بعض الجروح يزيد شره مع الوقت!!!
07-01-2007, 10:48 PM
الى كــل قــلب ينـــبض بالحــــب هنـــا ((متـعب التـــــركي )) ....!!
العرض المتطور
