مرثية احمد الناصر في ابنه محمد 1427هـ

[عجمي شد بلد]

يا بعد نوم الليل عن حجر عيني



الشاعر الكبير في موهبته وعطائه الشعري وبإنسانيته وتعامله الراقي مع الجميع أحمد الناصر الشايع فجع قبل شهرين أو أكثر بموت ابنه الأكبر الشاعر محمد الأحمد الشايع - رحمه الله - وقد شاركه أحزانه الكثير من أبناء الوطن بمختلف فئاتهم، لكن يبقى حزن الأب لفقد ابنه أكبر من كل شيء رغم اليقين الصادق بأن الموت نهاية كل حي.. شاعرنا كتب هذه الرثائية الباكية .. ويقول فيها:

يا بعد نوم الليل عن حجر عيني =صبر على ما صار من وال الأقدار

صبرت صبر باح منه الكنيني =أضحك مع العالم وكني على نار

ما غير أهوجس بين نفسي وبيني=يعلم بها العلام في كل الأسرار

تقل اتحرى لي علوم تجيني =مع الطروش اللي يجيبون الأخبار

فهمت رأس العلم من كلمتيني =من يوم قالوا جا محمد ونصار

تكسّرت عقبه جرايد يميني =عز الله اني عقب ما صار صبّار

من عقبها ونيت لي ونتيني =ونة غريب بالخلا ضاع واحتار

لولا الله أبرك ثم قوة يقيني =لا طير مثل الطير من كف صقار

تخنقني العبره وأفرّك يديني =واحترت مثل مصالي النار والغار

علم يخلي كل قاسي يليني =كنه على قلبي رصاص أم كرار

الى ذكرت عياله المصغريني =هذا يعزيهم وهذاك زوار

احد على جنبه واحد له ونيني =جتني هموم القلب من كل الأقطار

قلت اصبروا والله مع الصابريني =الله يكافيكم صواديف الأشرار

عسى عوضنا الحي بالميتيني =ناصر ونايف ذخرا سر واجهار

وأحمد وعبدالله ذرانا الحصيني =صغار سن وان بدا اللازم كبار

يجبر عزاي اللي بخلقه ضميني =محيي العروق الميته عقب الأمطار

مالي عن المكتوب فوق الجبيني =لو رحت شرق وغرب ويمين ويسار

صليت نصف الليل لي ركعتيني =أطلب له اللي للخطيات غفَّار

خفف ذنوبه يا أرحم الراحميني =في ماقفٍ ما ينفعن فيه الأعذار

جعله برضوانك من الفايزيني =بالماقف اللي به يضيعن الافكار

في ماقفٍ به كل خافي يبيني =تمت وصلى الله على سيد الأبرار

[سمـــوم]

الله يرحم الشاعر محمد الأحمد الشايع

وصح لسان الشاعر

وسلمت يمناك ياخوي على النقل..

[شرس]

صح السان الشاعر محد الشايع (الله يرحمه)

الاخ الكريم / عجمي شد بلد

اختيار رائع وجزل لشاعر الكبير

ولاهنت على اختيار القصيده

ولك كل الشكر والتقدير

[الخيال الحر]

ما غير أهوجس بين نفسي وبيني
يعلم بها العلام في كل الأسرار

تقل اتحرى لي علوم تجيني
مع الطروش اللي يجيبون الأخبار

فهمت رأس العلم من كلمتيني
من يوم قالوا جا محمد ونصار

تكسّرت عقبه جرايد يميني
عز الله اني عقب ما صار صبّار
صح الله لسان الشاعر
وسلمت بنانك على النقل ..... وننتظر الجديد

[محمد المجول]

صح الله لسان الشاعر

أحمد الناصر

والله لايهينك على النقل

ياعجمي

تقبل تحياتي

(( محمد المجول ))

[الاحرش]

اختيار رائع والله يعطيك الف عافيه

ولاهنت على القصيده

ولك كل الشكر والتقدير

[sohab]

يا بعد نوم الليل عن حجر عيني =صبر على ما صار من وال الأقدار

صبرت صبر باح منه الكنيني =أضحك مع العالم وكني على نار

ما غير أهوجس بين نفسي وبيني=يعلم بها العلام في كل الأسرار

تقل اتحرى لي علوم تجيني =مع الطروش اللي يجيبون الأخبار

فهمت رأس العلم من كلمتيني =من يوم قالوا جا محمد ونصار

تكسّرت عقبه جرايد يميني =عز الله اني عقب ما صار صبّار

من عقبها ونيت لي ونتيني =ونة غريب بالخلا ضاع واحتار

لولا الله أبرك ثم قوة يقيني =لا طير مثل الطير من كف صقار

تخنقني العبره وأفرّك يديني =واحترت مثل مصالي النار والغار

علم يخلي كل قاسي يليني =كنه على قلبي رصاص أم كرار

الى ذكرت عياله المصغريني =هذا يعزيهم وهذاك زوار

احد على جنبه واحد له ونيني =جتني هموم القلب من كل الأقطار

قلت اصبروا والله مع الصابريني =الله يكافيكم صواديف الأشرار

عسى عوضنا الحي بالميتيني =ناصر ونايف ذخرا سر واجهار

وأحمد وعبدالله ذرانا الحصيني =صغار سن وان بدا اللازم كبار

يجبر عزاي اللي بخلقه ضميني =محيي العروق الميته عقب الأمطار

مالي عن المكتوب فوق الجبيني =لو رحت شرق وغرب ويمين ويسار

صليت نصف الليل لي ركعتيني =أطلب له اللي للخطيات غفَّار

خفف ذنوبه يا أرحم الراحميني =في ماقفٍ ما ينفعن فيه الأعذار

جعله برضوانك من الفايزيني =بالماقف اللي به يضيعن الافكار

في ماقفٍ به كل خافي يبيني =تمت وصلى الله على سيد الأبرار

رحمه الله واسكنه فسيح جناته

وعظم الله اجر والده الشاعر الكبير احمد الناصر


قصيدة من القلب لازيف فيها .. فلا عجب ان تأتى متكامله

صح لسانك ولسان الشاعر القدير



عجمى شد بلد

شكرا لك واختيار موفق

اطيب تحيه

[عجمي شد بلد]

صح بدنكم كل ابوكم

والله لايوريكم مكروهـ

[فلاح بن ملبز]

الله يرحم الشاعر محمد الأحمد الشايع

وصح لسان الشاعر / احمد الناصر

ويعطيك العافية على هالنقل الجزل

والله لايهينك

[اطويق]

تخنقني العبره وأفرّك يديني
واحترت مثل مصالي النار والغار

علم يخلي كل قاسي يليني
كنه على قلبي رصاص أم كرار


صح لساااااااااانه وتسلم على الآختيار الرائع