<<راع الــــــولـــــــع>>

[فهيد بن عصيدان]

صباح الخير مدري مسا الخير

اما بعد..

هاذي القصيده مسنّدها على اخي حمد وهي في عمي خالد بن عصيدان
وانا من فتره ودي اجيهم فالبرّ وتعرفون ربيع وخير لكن ظروف الدوام امنعتني
ولكم القصيده..

راع الولع شوف اخضر الروض ودّه=من عقب مابكّر وطاح الوسامي

لاربّع البرّ وكسا النّبت خدّه=هذاك والله يالسنافي غرامي

لي ياحمد فتره طويله ومدّه=وأنا على المرواح شفقن وضامي

واللّي منع منصاي والدرب سدّه=من شوفكم يابو محمّد..دوامي

من كثر مسهر عفت نوم المخدّه=وان نمت والله مهتني في منامي

ودّي..ولكن ودّي الحظّ لدّه=في شوفة ابيوت الشّعر والخيامي

نصّ القصيد..وصوب منصاك ودّه=من مبتداه الين بيت الختامي

صوب الّذي لاجيت له..لاتهدّه=الا مبلّغ له كثير السلامي

سلامٍ أبعد من سكاكا لجدّه=وأكثر من اجموع الجرد التهامي

قلّه ترا هاذا سلامٍ مردّه=من قلبي..وفكري..وزود احترامي

في مدح أبي خالد قصيدٍ بعدّه=ياوين أببدا..وش بقول ابكلامي

راع المجالس..والكرم..والاشدّه=وراع الدلال الفاخرات الشوامي

ذبيحته..لأهل الوفا مستعدّه=في كل يوم الذّبح حامي..بحامي

لامن نصاه الضيف مقبل..يحدّه=تسبق تراحيبه طلاق..وحرامي

ماهوب لاتاجر..ولاورث جدّه=علاقته بالطيب حبّ وهيامي

واللّي بيدّه ماهو ابملك..يدّه=يفنيه لاجوه الضيوف الكرامي

الحظّ ضدّه وأغبر الوقت..ضدّه=ويصبر على جور الدّهر والعوامي

اسنينه اتضده ولاهي تحدّه=ايعسفها عسف الفرس بالخطامي

يضحك حجاجه وقت لينٍ وشدّه=وايحلّها لاثار عجّ وعسامي

الشعر..وش ماقلت ماهوب قدّه=ومقامه أكبر منّي ومن كلامي

وسلامتكم,,

[العازف]

بن عصيدااااااااان

صح الساااانك جزل جزل فديتك
والربيع مطول واذا ماجاات الاجازه
عليك بالطبيه ..

لااهنت يالغااالي

[محمد المحلكم]

صح لسانك قصيده رائعه

[فهيد بن عصيدان]

العازف

لاهنت لاهنت وابشرك رحت واستانست

وصح ابدنك,,

[عيد بن شدقان]

الله الله الله
جزل جزل

يابو محمد
وصح السانك واعتلا شانك

ويستاهل الثنا ابو فهيد


في انتظار كل ما هو جديد لك

[عجمي في لبنان]

صح لسانك يابن عصيدان

قصيده رائعه ومشاعر اروع

تقبل مشاعري ,,,

[فلاح بن ملبز]

صح لسانك يا ابن عصيدان

وقصيده رائعه

ولاهنت

[عبدالناصر آل عبدان]

أرررحب يافهيد



وكفوووو قصيدة جزله مراااس جزل

والربع اللي مسند عليهم القصيده كفووووووو


وصح الله لسااانك وعلااا شااانك

وان شاء الله يتهيئ لك كل ماكان عسر


ودعتك الله يالقرم

[فهيد بن عصيدان]

محمد الحلكم

صح السانك


ولاهنت على مرورك الطيّب..


اســــــــــــــــلم..وســـــــــــلّم,,

[فهيد بن عصيدان]

المشاركة الأصلية كتبت بواسطة عيد بن شدقان

الله الله الله
جزل جزل

يابو محمد
وصح السانك واعتلا شانك

ويستاهل الثنا ابو فهيد


في انتظار كل ما هو جديد لك

ارررررررحب يبو محمد..

لاهنت وماعليك زود وصح ابدنك..

وســــلّم على شارع المطافي