من ابداعات الملك محمد ابن الذيب

[المارد الشعري]

بسم الله الرحمن الرحيم










0
عام 2000

في عام الا2000 حـال النـاس متدانـي=حتى الوزيـر يتهـرب مـن معاملتـه

لكن ميحـد لاغنـى بعـض الالحانـي=يهيض اللي همـوم الوقـت مشغلتـه

ياراكب اللي مهي مـن صنـع يابانـي=لكـن كـائـن رفـعـه الله بمنزلـتـه

صفراء من الخيل مخلوقه على شانـي=فيهـا مـن الوصـف شـي ماتخيلتـه

تلفت عليها النظـر فـي كـل ميدانـي=وراعيهـا بالنصـر والعـز شاملـتـه

مثل الهواء يوم يصفق خضر الاغصاني=عين الحسود الخبيـث النـد كاحلتـه

علامة النصـر كنهـا روس الاذانـي=والعاتـق هنـاااك والغـارب مشهلتـه

وان رزت الذيـل كنـه راس ثعبانـي=مقبولـه وكـل عضـو فيـه قيبلـتـه

غراء وفيها زخـارف رسـم عثمانـي=مشكـل جسمـهـا كنـهـا مشكلـتـه

يـوم اتهـزع مابـلا بنـت نصرانـي=قميصهـا نـص والمنحـر مبطلـتـه

ركابهـا حبكـم مابـيـن ضلعـانـي=يزف شـوق عـروق القلـب ناهلتـه

والعصري ابن المهيني قاعـد اوزانـي=والشيـخ حمـدان قــدام وتأملـتـه

يوم ابغي الشعـر والجمهـور يبغانـي=جاملني الحـظ مـن طيبـه وجاملتـه

وانا محشش شعـر والفكـر سكرانـي=خلوني اقـوووول شـي مابعـد قلتـه

ياجعل عيني ماتبكي حد من اخواني =ويلا بكوني ماجاب الله تقبلته
لو ان طيبي ماهو من راس جداني= ماكن كتفي بمالا طاق حملته
واللي على باب ديوانه تناساني= شطبت اسمه من الهاتف وكنسلته
مادام حمدان ابن مكتوم ذراني= حتى البعير العماني لو هدر كلته
هدهد سباء يانبي الله سليماني= اشرف من الحر الاشقرفيد نابلته
الله يلعن ابوه وجده الداني=من ينكر ان هل دبي شيوخها فلته
وان قالو الناس وش دراك دراني=سمعت شايب يمجدهم وسألته
قال العرب فترة الحكم البريطاني=عاشت عصر كان ذل المال مرحلته
والشيخ راشد مؤسسهم حسب ثاني=سمعت جدي يسولف لي وجادلته
له موقف ينحفظ في كل ديواني= يجبرك تقراء له الكوثر وبسملته
مضمونها كان عنده عامل اعماني= اجره يادوبه يكفي بيت عائلته
وجاء يستلم راتبه من كف متغاني= وضاعف له الكاتب الراتب من اعجلته
وتنبه الناس غفله زاد لثماني= غلطة قلم والقلم من كف مالكته
علم به الشبخ بس الشيخ بطراني= ثقيل والمده الجزله مثقلته
قال ايه ابا الحبر كان انه يتحداني = انا اكرم من الحبر واللي مسجلته
والشيخ حمدان يوم الصوت ناداني=حتى عقالي من التقدير ميلته
بغيت اجي له لكنه جاني وجاني=وجاني وجاني وقابلني وقابلته
ماقال هذا مواطن دار ابن ثاني=بالعكس قام يتفنن في معاملته
الاحجز لي وغداني وعشاني=وعلمني الطيب وش جده ومهزلته
وقبلت كتفه من العزه ووصاني= الكتف ماهوب رمز يوم قبلته
وقارنت بينه وبين اللي حقر شاني=ورفعت راسي من الضيقه ونزلته
يلي عيونك من الكبر اتعداني = انا رفيقي لاهملني ماهملته
انا وفي والوفا من طبع لنساني=عليك الابداع من شعري وفصلته
متفاني فيك وانته مانت متفاني= تبغي وفا كلب حلقه وسط سلسلته
واشرف من اني اتعب فيك وجداني=بيت فحمدان اعجبني وكملته
لوان ماهو حديت الشيخ الاللباني=يهبل عقول الرواه اللي تناقلته
لبيك من قلبي الملهوف ولساني=مثل العسل يوم تصفابه منحلته
لو انها بالعمر قطعت شرياني= يفداك عمري يابو راشد من اولته
وليا تساهل قصيد المدح ففلاني=والمدح مني فمثلك ماتساهلته
ابوك الاول لكنك مانت بالثاني= لنك رقم تتعب الحاسب معادلته
يااطهر من الغيم في مصياف لبناني= واعذب من الماء في دجله وفي دلته
اجيك عاني واعود ماني بعاني= مراجلك وادي العجمان داهلته
ياهل جنيف ارسلو هرمون حمداني= حتى الردي في ولده تنحل مشكلته
ويلقح الزوجه من المصل مجاني= وينام مرتاح لاازعلها ولا ازعلته
وينافس الاول من اعياله الثاني= ويطلع على سيدي حمدان مرجلته