أعزائي ..
أهديكم هذه المتواضعة ...
وأرجو أن ترضي غرور ذائقة كل منكم .. مع الوفاء والتقدير..
.
.
.
تعــالي ياقصيــده علميــهــم كيــف نبــدعــها=بيوت ً لاقراهـا مـن قراها هــزت اشجانــه
ايلا هز الطرب شاعـر وجاء لو بس مطلعها=تساوق له كما ســوق المطــر لاســاق هتانه
مانيب انا من الشعـار لااقـواها ولا اشجعـها=ولاكـن للشعــر لاجـيت شــرع كــل بيبانـه
بيــوت ً ياكثــر ماجـابت الشعــار نسمعــها=بعضها ما تـثـمـّــنـهـا وبعـضهـا كنه الدانه
بعضها لاقريت ابياتها قلت اه مااروعها=وبعضها كنها فوق الورق وقعات ذبانـه
على طرق ً من الاشواق للي لو نسمعها=طروق الشوق ماتكفي وهي ساسه وعنوانه
انا من ناس لا شاف القصيـده كم يدلعها=وعطاها كل ما يملك من طروقه والحانه
قصيـده لو اجي راس الفتيلــه ثم اولعــها=توهـج نور منها مختلف في شعة الوانه
قصيـده شاعر ً صمم رسوماته ويصنعها=هو الفنان الاصلي والقصيده جات فنانه
تلوى وسط صـدري لين تبلشنـي واطلعها=كما هاجت وماجت بالجبل ثورات بركانه
قبل ماتنطبع فوق الورق بالصدر طابعها=وكل ما اسقيتها شوق ً تعبه عب عطشانه
قصيده كيف اشواق الليالي ذيك ارجعها=قصيده كيف يسلى الادمي من دون خلانه
قصيده علميهم كيف وقت الشوق ننزعها=بيوت ً من معاليق ً تساوق نزف دمّـانه
قصيــده علميهم كم بيـوت ً جات نمنعها=وانقــي للبيـوت اللي انقيـها علـى شانــه
قصيـده للتــوى حر ً ورى الصيدات يتبعها=ينقي صيــدته لعيون وكر ً فيه شيهانــه
قصيــده للشـعـر توهـات لــو اني ابتبعها=خرجت بمبهمات ً تعجـز الشعار لاوزانه
قصيده لـو أجمّـع ذا القصايد ثم اوزعـها=على العشاق كان الكل يلقـى نوح وجدانه
[move=down]فهـد
/
/[/move]
14-04-2007, 11:42 PM
العرض المتطور
