تحيه من مكسور احساسه للجميع حبايبي والله
هذي قصة شاعر صارتله سالفه مع حبيبته واهو بالأساس مو شاعر اهو عادي بس لما صارتله سالفه اخذ الورقه والقلم وكتب اللي بقلبه وطلعت معاه قصيدة فا اكتشف انه لديه موهبة الشعر
نشوف قصته الحين
كان هذا الشاعر يحبله وحده وصارله معاها فترة طويله تقريبا 3 سنين ونص بعدين اكتشف امر خيانتها له
ومع من مع اقرب المقربين له ( للعلم اقرب المقربين اهو واحد من ربعه الروح بالروح بس رفيجه ماكان يدري انه هذي حبيبته جت صدفه)
فلما شافها مع صاحبه انصدم واندهش وراح سلم على رفيجه وقاله شلون صديقتك معاك قال والله عال العال بعدين التفت عليه وقالها شلونج يا فلانه وانصدم رفيجه منه قاله شنو تعرفها قال اي اكييد شلون ما اعرفها ؟ بالعكس اعرفها عز المعرفه بعدين قال حق صاحبه شوف انا اما ابي اخسرك علشان وحده ماتستاهل بس الله يوفقك معاها وقال وهو مبتسم ومن داخله نار حمره وحقد وكراهيه
دير بالك منها
فا عرف صديقه معنا كلامه انها كانت على علاقه به
لما رد الشاعر البيت دق تلفونه وطبعا البنت اللي داقه عليه وتقوله انا اسف انا مو قصدي اني اخوك انا احبك وانا ابيك ومن هالكلام وقالها تدرين شلون روحي الله يوفقج ما ابيج بحياتي
وصكر التلفون
الا وهو ماسك القلم والورقه وكتب هال الأبيات هذي
مع انه الأبيات هذي من 4 ابيات يعني مو واجد
بس معانيهم قويه حيييل ويهز الجبال
ولما دقت مره ثانية عليه قالها هالقصيدة واهي قعدت تبجي وقالت خلاص ماراح ادق وراح اخليك ترتاح مني
ومن بعدها واهو عايش هالمعاناة وكل مايقول خلاص ابنسى هالقصيدة مايقدر
(اهو نسى البنت وخلاص بس القصيدة ماقدر ينساها لأنها اول قصيدة كتبها بحياته)
الله يعينه ويعين كل المسلمين
واتركم مع الأبيات
حلفت ما ارجع لو حياتي بديــــنـــك
نفسي عزيزة مارضت بالمذلـــــه
ما ارضى تجرحني ولا ارضى اهينـك
ابرجع لدربي وانت دربك تدلـــه
ماقصرت في حقك من اول سنينـــك
واليوم ودك تاخذ العمر كلـــــــه
مهما عطيتك مابــــيــــن بعيــــنــــــك
عمر الأناني ماعرف قدر خلــه
31-05-2007, 08:23 PM
العرض المتطور
