قصيدة مانع بن شلحاط في الدواسر .

[تركي الرياض]

السلام عليكم ورحمة الله وبركاته

في البداية لاأعلم هل هذه القصيدة موجودة في المنتدى أم لا؟؟ , لكن اسمحوا لي أن أضعها .

هذه قصيدة للشاعر / مانع بن شلحاط العجمي في مدح خواله الدواسر يقول فيها :

شهر كانـون موعـد الاحتفـال = جمعني مـع مداغيـش الرجـال
هل الطّـولات والـراي السديـد = هـل الوقّفـات ذربيـن الفَعَـال
ســلام الله ســلامٍ مايـبـور = يراضيكـم غـلا وِدْ و وِصَــالْ
وأنا شاعـر ليـا حَـلْ القصيـد = ثقيـل الـروز وبيوتـي ثـقـال
أقَلَّطْهَـا علـى الخَرْمَـانْ كَيّْـفْ = وتَقْعِـدْ راس كَيَّـيْـفْ الــدّْلَالْ
وأنا مِعكم وأنـا جـدي إعجيـم = أكَابِرْ فَخْرْ حيثِ أنِكـم (خـوال)
أفاخر (بالدواسـر) وأسْتَطيْـشْ = وأقول الحـق وأشـرع فالمقـال
ظنا دَوْسَرْ هـل الجمـع الرزيـن = كذا التاريـخ مـا فيهـا جـدال
(ابـن بـدران) يثرينـا صـداه = ولـو هـو زال ذِكْـرَه لا يـزال
ظنـا( زايـد وتغلـب) خلّـدوه = طناخ العَـوّْدْ فـي روس العيـال
وقف( سالم) يوصى بـه ظنـاه = (وداعيـنٍ )ذخـرهـم للقـتـال
و(مخاريـمٍ ورجبـانٍ) عُـصـاه = خـوانٍ مـا تفرقهـا الجـبـال
وعيال (صهَيـب) لَحَـلْ اللـزوم = حمول الخيـل وكفـوف السّْـلال
ظنا (مَسْعر) ومَنْ سمي( بريـك) = ونَسْلْ (غياث) في يـوم الهـوال
وآولاد(الحريـجـي) لأعتـزيـت = وصـولات (الشرافـاء) فالنـزال
وطغا (الفرجان) يخشاه الحريـب = كذا جَمْع (الهواملهَ)لا منه صـال
وظنا( صخبور والخضران) قـوم = وهومات( الهواشله) صعبة منال
و(دَبَاليـنٍ) تَــرَدْ المَعْتـديـن = وغـارات (الشّْيَنَـهْ) سِـمْ حَـال
أقولـه و(آل عمـار) الـدُهَـات = أيوالله (والشّْكَرَهْ) صَـوّْكْ جـال
وفزعـات( الغـرره) لعتـزيـت = وجَـرّات( الكـبـرا) لـفـح لال
ولكَبْرَتْ( فالنتيفـات) أحْتَضَـوّْك = ونخوات (آل عرفج) طيـب فـال
و(تغلب) تغلب الخصـم الكبيـر = ذرى( الحقبـان) للزابـن ظـلال
تعـزوا (بالخييـلات العـمـور) = وكفوٍ (بالمشاويه) لجـا مجـال
وآلاد( الحبيـبـي) فـارقـيـن = (مصاريرٍ )ليـا كبـرت نصـال
يجوز أني نسيت أو مـا نسيـت = أنا ألتمس العذر فـي كـل حـال
فعـذراً يـا حمـا ذاك الـدَرَيْـك = يوم أن الاشراف ردوهـا شمـال
بيـومٍ تعتـذر عَنْـهْ الجـمـوع = وزبنتـوا ولـد عمـي وطــال
كذا وأنتم حمـا ذيـك الغـروس = وفـي هيباتكـم يرعـا الحـلال
فرقتـوا يـا دواسـر بأثنتـيـن = ولا معكـم شَبَـيـهْ ولا مـثـال
(الأولى وسمكم عصـا القصيـر) = وَمَنْ وأَمـنْ بعـدِ مـا كـان ذال
والأخرى جاركم من بعد صْيْـب = على ذاك الجـدار أيْسَـاق مـال
ومـن شيخانكـم( أبـن أقويـد) = (وأبن حفيظ )يومـه طـال قـال
ومـن فريسكـم نـاس ودُهَـات = إلا ياكثـرهـم مـــن آل وآل
(خجيم وراعـي الهَـدْلَا وزيـد) = (وسحمـي والمبيعيـج) المثـال
و(أبن وقيان وماجـد والقضيـع) = و(سند) من صهوة الصفرا ما مال
و(أبن نادر) وسبر القوم (ذيـب) = (وأطليفيـح) شَـرَّابْ الـزهـال
ومنكـم (أبـن هـذّال) الكريـم = فَـرَقْ وأنتـم كريميـن السبـال
ومَقْطَعْ حقكـم فالعـرف عـرف = (أبن إوثيلـه) وللقصيـا جمـال
ومن شعاركـم (ظافـر) وغيـر = و(أبن عمهوج) لصـر المحـال
وأبـارك جمعكـم هـذا وأقـول = سـلام الله عليكـم يـا رجــال

............. تقبلوا تحياتي .............

_____________________________________


قال بعض السلف: "من كان لله كما يريد، كان الله له فوق ما يريد، ومن أقبل عليه تلقاه من بعيد".

[الاحرش]

يعطيك العافيه


ولاهنت


على النقل الرائع

[الخيال الحر]

يعطيك العافيه


ولاهنت على ها الشي

[تركي الرياض]

أخواني الأعزاء : الاحرش والخيال الحر , الله لايهينكم ويبيض وجيهكم , أشكر لكم مروركم

الذي أسعدني , الله يعطيكم العافية .


__________________________________

قال بعض السلف: صانع المعروف لا يقع، وإن وقع وجد مُتكائاً.

[الباشا]

الأخ الكريم
تركي

لاهنت على نقل القصيدة الرائعه
وصح السان بن شلحاط

[تركي الرياض]

أخوي الباشا ولا أنت , لك كل الشكر والتقدير على مرورك , الله يعطيك العافية .



___________________________________

قال بعض السلف: ما أنعم الله على عبد نعمة فانتزعها منه، فعاضه مكانها الصبر، إلا كان ما عوَّضه خيراً ممّا انتزعه.