ماتعدتني سهومك كل سهمن ذاع صيت

[كميّخ الهاجري]

السلام عليكم ورحمة الله وبركاته.


العذر والسموحه على هذا الغياب الطويل والله العالم إن الغياب لأسباب ضروريّه.



اليكم هذه المتواضعه وأرجو أن تشفع لي عن غيابي.



صلّوا على النبي.

ذقت من سم الليالي ما كفاني وارتويت=ويشهد الله ماشكيت امن الليالي والعثور
ويازمن لو زدت سمّك ماعثرت ولاحكيت=كان قصدك كسرتي ياما جبرت امن الكسور
ماتعدتني سهومك كل سهم(ن) ذاع صيت=وإن تقفتني سهومك ما ألف ولا أدور
ماسليت امن المراجل يازمن وألا غفيت=والله إنّي باني(ن) في راسها أفخم قصور
معرّب الجدّين بين اقروم يوم إنّي ربيت=من سلايل لابت(ن) يوم الزحامى ماتبور
من بني هاجر هل الطاله ليا منّي انتخيت=كل مفطوم(ن) عصب راسه ولا خلّى قصور
ماخبرت إنّي هجدت ابيوم لامنّي اعتزيت=لاورب البّيت أثور وربعي أكثر لي تثور
مانخاوي الخايب اللي فالمراجل صار هيت=مانطيّب ذا اللحا بالشّين من عقب البخور
وياضعيف النّفس لاترجع مدامك قد نويت=سوق نفسك لو قريت الدّرب يمنع بالعبور
ولاغدت فوقك احمول(ن) كايده ثم ارتكيت=لا اتّزعزع من مكانك إنتقضها يامعثور
خل وجهك أبيض(ن) عند النشاما لالفيت=مايقال إنّك ضعيف(ن) من دبور(ن) في دبور
كلّ هذا شيّ فالخاطر نطقته ما ارتجيت=تنشرح بعض الصّدور أو تمتغث بعض الصّدور

وســـــــــــــــــــــــــــــــــــــلامــــــــ ـــــــــــــــــتـــــــــــــــــــكــــــــــــ ـم.

[فهد بن مطلق]

يامرحباااابك يــــا كميخ من بعد غيبه


وانشالله قصيدتك بتشفعلك سجلتني 1

من بني هاجر هل الطاله ليـا منّـي انتخيـت=كل مفطوم(ن) عصب راسه ولا خلّى قصـور

ونعم فــي بني هاجر

[عبد العزيز العجمي]

الله الله صح لسانك ..


ولانت .. وتقبلي مروري..

[GUCCI]

من بني هاجر هل الطاله ليا منّي انتخيت
كل مفطوم(ن) عصب راسه ولا خلّى قصور



ونعم في محلفنا

كفوووو والله اني صادق


كميخ صح الله لسانك

ولا عاد تطوّل الغيبات

اخيك .

[سالم الرتيبان]

صح لسانك يالهاجري
ونعم في بني هاجر
تقبل مرور اخيك

[كميّخ الهاجري]

العود.



صح الله ابدنك ولاهنت على المرور الطيّب والإطراء الجميل.



تقبّل تحيّاتي.



أخــــــــــــــــــــــــــــــــــــــ(كميّخ الهاجري)ــــــــــــــــــــــــــــوك.

[كميّخ الهاجري]

عبد العزيز العجمي.



صح الله ابدنك ولاهنت ومشكور على المرور اللي زادني شرف.




تقبّل تحيّاتي.




أخــــــــــــــــــــــــــــــــــــــــــــــــ (كميّخ الهاجري)ـــــــــــــــــــــــــــــــــــوك.

[** النداويه **]

صح الله السانك يا كميّخ وعلى الاخرى عانك


والنعم والله ببني هاجر


لا هنت يا القرم على ذا القصيده الجزله



ونحتري جديدك
** النداويه **

[كميّخ الهاجري]

Gucci




صح الله ابدنك.



وماعليك زود يالقرم ولاهنت على مرورك اللي أعتبره وسام على صدري.



ولاهنت أيضا على الإطراء الجميل.


تقبّل تحيّاتي.



أخـــــــــــــــــــــــــــــــــــ(كميّخ الهاجري)ـــــــــــــــــــــــــــــــوك.

[(هاوي قصيد)]

كميخ الهاجري ,,,

ارحب ارحب يابن العم , حيه وحي ماجاب

صح الله لسانك ولاهنت وبيض الله وجهك يالسنافي على ذالجزله

تقبل مروري