يا مصوَر ابن آدم على خير تصوير=عبدك بدا باسمك وثمَـن كلامـه
يالله يا مولاي يـا واهـب الخيـر=تعطيني الصحَه وطـول السلامـه
من عقب ذا حذَرت في القول تحذير=من واحدٍ ماهـوب قـد الملامـه
اللي يعذربني علـى غيـر تبريـر=وبيموت والله ما تنـاوش مرامـه
لنْه يعرفني في الليالي المعاسيـر=يوم القشر والكـل حـزَم حزامـه
هالحين ينكرني ولا ابدا المعاذيـر=يكرم جنابي من الرَدى والرَخامـه
أنا ليا ضاقـت وقلَـت الأشاويـر=وكل ٍعلى فعلـه يبصَـم ابهامـه
سقت القدم ولا أتعبتني المشاويـر=وعلى جبين المجد قدنـي علامـه
ولا صارلي جدٍ مثل سالـم الزيـر=وأخوه كنـه كليـب وإلا سلامـه
وأبوه هوَ اللـي يشـق الطوابيـر=وأنا بعد منهـو خوالـه عمامـه
منين الرَدى ياتي وأنا ابن المناعير=وأنا الذي جاهـه يعـزَز مقامـه
قلته وأنا ابن اللي زبون المكاسير=يوم إن غيره لاهي ٍفـي طعامـه
من لابةٍ لا من غزت ماهي عصير=ووقت اللقا تِلقا بصحـو وعتامـه
واللي ليا هاب الرَدي تورد البيـر=ورَادته لو كان مـا بـه سلامـه
هواجر ٍمن فعلنـا يشبـع الطيـر=ونطغى ليا شفنا الكبر والجهامـه
ويا مشبهٍ علي ٍبشـوق الغناديـر=ما شبهك يا كـود مثـل الهلامـه
المرجله يالخبل تبغـى مخاسيـر=يوم الظهر من فوق حنَـا سنامـه
وأنشهد إنك طير يكفـخ ولايطيـر=والحـر بيَـن والنعامـه نعامـه
28-01-2008, 11:22 PM
العرض العادي
