يومين

[فرااااج]

يوميـن ماشفتـه ولاشـفـت رده =يومين لاكن فـي عيونـي ثلاثيـن

قولولها عـن حالتـي اليـوم بعـده=الصدر ضايق والسهر يذبح العيـن

فديت مـن جابـه وعمـه وجـده=وفديت راسـه يابعـد كـل غاليـن

احتار انـا مابيـن مزحـه وجـده=واخاف لا يزعل علي والزعل شين

لاغاب عن عيني عسـى الله يـرده=اشتاق له واقول عسـى الله يعيـن

تدرون احبه حيـل واكثـر وعـده=روحي وقلبـي ياحيـات الشقييـن

اشتاق لـه لاغـاب شوق(ن)بشـده=واشتـاق له شـوق الغـلا والمحبيـن

واذا حضر اشوف هجـره وصـده=ليه الجفـا منـه اشوفـه سكاكيـن

وانـا اتقـرب لـه واحـبـه ووده=بس مادرا عن عشق قلبي الى الحين

ولاغاب عن عينـي ولاشفـت رده=اشتاق له واقول راحت على ويـن!!

وسلامتكم,,,,,,,,,



.

[الـ ـشـ ـقـ ـا ويـ ـه]

اشتاق لـه لاغـاب شوق(ن)بشـدهواشتـاق شـوق الغـلا والمحبيـن

حجز اول


رووووعه يافراااج وصح لسان قايلها


تحياتي لك

[فرااااج]

تسلمين اختي الشقاويه على مرورش-وصح بدنش الله لايهينش













_



.

[الجلمود]

صح السانك وبيض الله وجهك

[فرااااج]

اخوي الغالي الجلمود صح بدنك طال عمرك وبيض الله وجهك على المرور ياالامير






الله لايهينك






.

[آل جمعه]

السلام عليكم ورحمة الله وبركاته

صح الســانك اخوي فراج والله لايهنك ع القصده الحلوه

تقبل مــروري

[فهيد بن سالم]

السلام عليكم ورحمة الله وبركاته


صح لسان شاعرها وناقلها . . .


ولاهنت يا فرااج . . .

وجعلك قوي وسالـم . . .

تقبل مروري وتحياتي . . .

.

[فرااااج]

تحياتي اخوي آل جمعه وصح بدنك طال عمرك

الله لايهينك على المرور الطيب


.

[فرااااج]

اخوي البشـر صح بدنك والقصيده انا اللي كاتبها والله مانقلتها من احد
وكتبتها وانا اتصفح المنتدى ..
الله لايهينك على مرورك الطيب وتقبل تحياتي واحترامي






.

[موكب]

اخي الغالي فرااااج

صح لسانك ملاييييين

واسمح لي ان انقل هذه القصيده إلى مكانها الطبيعي (( منتدى صدى المشاعر ))

وسلمت يداك بما خطت لنا هذه الذائقه الرائعه

واشكرك جزيل الشكر على مجهودك الجميل

دمت بخير وسعاده