دنيااااااااااااااااااااااااا المحبــــــه

[ذايع الصـيت]

مسااااااااااااء الورد عليكم جميع ....

حبيت أشارك بهذي القصيده من قصايدي ليست بالقديمه ولا الجديده لأن القريحه
بصراحه (مبنشرهـ) لها فتره ولم تحدد الإستئناف وأتمنى أن تعجبكم القصيده :

مساء الخير يا دنيا المحبه
ومسائي بس لعين اللي أحبه

وليف ٍ ساكن ٍ قلبي وروحي
وباني له وسط الأحشاء قبه

وصوف الحسن تؤخذ من وصوفه
وكل الحسن من وصفه تشبه

نسل أحرار في طبع وعفافه
وفي الهيبه وبإيمانه بربه

وأنا لوجيت أبوصف وش ابوصف
يغار التوت حبه فوق حبه

إذا ذاق العسل ذاب بشفاته
ويذوب الشهد وفي نفسه يحبه

وعينه كيف أوصف شكل عينه
تبارك خالقه ربي وربه

إذا سلهم تقول الله وأكبر
وإذا ناظر بحر ماتشوف غبه

وخده مثل خوخ الشام وأحلى
يغار الورد لا يقرب بجنبه

وشعره كالذهب ناعم وذايب
على الردفين والنسمه تهبه

وجسمه كيف أوصف له حلاته
تفنن خالقة من يوم صبه

يغار البان لا شافه تثنى
كأنه لا إنثنى قالو يسبه

تربع فوق عرش الحسن كله
وأنا أشوفه بعيني يوم ذبه

لمحته صدفه بداخل منامي
وشفت الكاس في يده شرب به

شرب أفراح عمري والسعاده
وأخذ دنياي والخافق لعب به

وأقول الله حسبي كان ناوي
يتل القلب كله ثم يكبه

ابرجع للسهر والليل وأبدا
سواليفي مع نجوم المحبه

وسلااااااااااامتكم

أخوكم / ذايع الصـيت

[موكب]

ابرجع للسهر والليل وأبدا=سواليفي مع نجوم المحبه

اخي الغالي ذايع الصيت

صح لسانك ملاييين على هذه القصيده الجميله

وسلمت يداك بما خطت لنا من ذوق دائم رائع

واسمح لي ان اضع قصيدك في مكانها الطبيعي (( منتدى صدى المشاعر ))

تقبل تحيتي وتقديري لروحك العطره

[طبــ ع ــي كــذآ.. }~]

وأقول الله حسبي كان ناوي
يتل القلب كله ثم يكبه

اخي الكريم ذايع الصيت

صح لسانك ,,,,واشكرك ع القصيده الرائعه فعلا

ولا تحرمنا من جديدك ,,,,وقول لقريحتك لا تبنشر ههههههه

تقبل تحياتي وتقديري لشخصك الكريم

[ذايع الصـيت]

مرحباااااااااا أخوي موكب

صح بدنك وتسلم وهذا من ذوقك

وحبيت أسأل عن سبب نقل القصيده إذا ممكن.........؟؟؟
وتبيّن لي الفرق ما بين هنا وهناك

أشكرك على مرورك الطيب

تقبل تحيات أخوك / ذايع الصـيت

[ذايع الصـيت]

مررررررررحباااااا يالقصيد الصعب

صح بدنك ولا هنتي وشكرا ً على الإطراااااء

والقريحه جاري التعديل فيهااا وهي الآن تحت الإنشاء

أسعدني مرورك العطر والجميل

دمتي بود


أخوك / ذايع الصـيت

[الاحرش]

صح لسااانك

ولاهنت

[ذايع الصـيت]

الأحرش مرحباااااااااااااا ً ألف

صح بدنك ولا تهوووووووون أسعدني وشرفني مروورك

تقبل تحياتي

أخوك / ذايع الصـيت

[شخص عادي]

ذايع الصـيت صح السانك على القصيده الجزله

تقبل مروري

[الجلمود]

صح السانك وبيض الله وجهك على ذالجزله

[ذايع الصـيت]

مرحباااااااااااااا يافوووووووعاااااااااان

صح بدنك ولااااااهنت طال عمرك وحضورك طيب منك ومن ذووووقك

تقبل تحياتي