مادريت ان قلبها (نقلٍ جماعـي)=كل يوم الهـا علاقـه تبتديهـا
النقل الجماعي مشكله زحمه وحر احرصو منه يا عويّل 
آه ياقلبٍ تسبـب فـي ضياعـي=حب مـره بأندفـاع وراح فيهـا
راح شوقه والتياعه دون داعـي=في غرام اللي عسى الله يبتليهـا
فتنةٍ لامن بغت تطوي شراعـي=بس تضحك لي وتطلق حاجبيهـا
الهدب فعيونها للمـوت ساعـي=دون قاصر في توهّج جمرتيهـا
من بنات الايتيكيـت الاجتماعـي=والبرستيـج ووحيـدة والديهـا
الآبو مسؤول فالبنـك الزراعـي=وامها بنت الوزيـر ومحتميهـا
ولا انا حال الفقر لاوي ذراعـي=واحمد الله حالتي ذي مرتضيهـا
مرخصٍ عمري لها واغلا متاعي=مخلص و لامن بغت حاجه تجيها
مادريت ان قلبها (نقلٍ جماعـي)=كل يوم الهـا علاقـه تبتديهـا
لعنبوها تمتلـك قلـبٍ صناعـي=وكل يوم يموت قلبٍ فـي يديهـا
فالح المصعوك
21-08-2008, 03:04 PM
العرض المتطور
