ياوجودي وجود ام العيالي...وش سالفتها ذالقصيده؟؟؟

[ابودجانه العجمي]

السلام عليكم
صبحكم/مسيكم بالخير يا الربع
مرت علي ذالقصيده ولا ادري وش سالفتها احد منكم يعرفها والظاهر انها للشاعر علي بن حمري؟؟؟

وجودي وجودي يا وجودي يا وجودي وجود ام العيالي ***يو ساقوا ولدها للقصاص وبارز السيف يقطع في وريده

قصته دون عرض ودون ماله محتميها بحدّاد السلالي *** زلّ في ولدّ عمه يوم جاله يقصد الشر والله لا يعيده

واحكموها المشايخ و المحاكم وافتدوا ذبحته من كل غالي ***ولا تنازل كبير القوم عنه وقال ذبحته ذا الرغبه الاكيده

من هجوس لجت في وسط جوفي وللهواجيس في الصدر اجتوالي ***ويقفي اليوم وتروح الليالي وابن حمري هواجيسه تزيده

من يوّصل جوابي لابن عمى شاعر القوم حماّي التوالي***عند مضواح بن شتوي الحبابي شوفة الضيف عنده يوم عيده

يابن شتوي عسى منهو تركني في محلي تناقصه الرجالي***طيحتي عز والمعروف يبقى وابشر بصاحبك عند الشديده

اضربوني العساكر يابن عمي واربطوني وخلوني لحالي ***وسط زنزانة لا نور فيها واقبلت جرة الحزن البليده

عقب كنا ثلاثه في ثلاثه يا ثلاثه وانا شلت الثقالي ***اللواء طلّع البلقان منها والعرب زرقوا له ذا الشريده

يالله انك تفرج كل ضيقه بامرك الهون يا رب الجلالي ***وانت ياللي توصله جوابي فأعطه الخط من يمناك بيده

[نـاصـر]

السلام عليكم ورحمة الله وبركاته

أعتقد يابو دجانه مالها سالفة لأن القصيده مثل ماهو واضح توجد .

هذا والله أعلم

[ابودجانه العجمي]

حياك الله يا بن هادي هي صدق توجد بس لها سالفه ومرت علي من قبل بس والله اني نسيتها
اذكر ان الرجال ذابح واحد من عوال عمه وكانو ثلاثه وسجنوهم واثنين منهم طلعوا (طبعا بالواسطه) وبقا هو..كان مانيب غلطان والسالفه قديمه ولانيب ذاكرها
على العموم نشكر مرورك يابن هادي

[الاحرش]

المشاركة الأصلية كتبت بواسطة ابودجانه العجمي

حياك الله يا بن هادي هي صدق توجد بس لها سالفه ومرت علي من قبل بس والله اني نسيتها
اذكر ان الرجال ذابح واحد من عوال عمه وكانو ثلاثه وسجنوهم واثنين منهم طلعوا (طبعا بالواسطه) وبقا هو..كان مانيب غلطان والسالفه قديمه ولانيب ذاكرها
على العموم نشكر مرورك يابن هادي

عزاللة انك صادق لها سالفه

وانا سامعها بس مثلك ساج منها