. نجم القصيد / أكبر غناتي .. في طموح الاماني .!

[محمد بن دسمه]

السلام عليكم ورحمه الله وبركاته ..

هذه قصيده أرسلتها قبل فتره .. لنجم القصيد الشاعر / خالد العجمي

..

صلو ع النبي .

هذا الزمـن لعبـه ودقـه ودبـوس . = دبسة ورق من الـوراق المتانـي ..؟
الصاامت الحاامد يقولـون ملحـوس . = لكنـه آخيّـر لـو تكلـم علانـي . !
آخير مـن هبـه ع قرقعـه كـوس . = لـو انهـا هبـه بحفـظ القرانـي ..
شفت المرايه شوفها صار معكـوس . = ولا عاد به دله وشاهـي وصوانـي .!
من واقع اعيشـه ولانيـب ميئـوس . = إلا اني اضجر من حسـاب الثوانـي .؟
ياليتنـي لامـت ماعنـدي فلـوس . = واكبر غناتـي فـي طمـوح الامانـي
لاني من الاهواء ماشفـت متعـوس . = اقولهـا داري .. واحـطـم مكـاانـي
لكن لو داور زمانـي مثـل قـوس . = اصامده لو كـان ماهـب زماانـي .!
مانيب فوق الناس لكـن يامحـروس . = متربعـن بيـن السمـا والمباانـي .؟
لبيه ياخالد والـى هبهـب الكـوس . = وفليت لـك سبحـة عراقي و ايرانـي
مشااهدك (هبه )وطرياك( نسنـوس ). = ومرافقك ( عالم )وعرفك (حسااني ) ..
أقولهـا غالـي ويالله علـى أووس . = نبغـي نحلـل مابغيتـه عشـانـي .؟
لو ان عضودك مرخيه عزم الجموس . = لو ينرسل عالم او طـب امريكانـي .؟
وتماحقو الصين مع شلة الـروس . = وقـام يتضحك الرئيـس اليبانـي .!
ماايدري الحسبـه ماتاتـي بفانـوس . = الا بيمينـك يااطـويـل اليمـانـي ..
لو قلت لك قعدان وغرف وطعـوس . = خططت لـي منظـر برسـم بيانـي .؟
ولونا تعازمنا على طبـخ مكبـوس . = الفلفـل الهنـدي يغطـي السيلانـي .!
لبيه ياخالد على قـرب (...........).؟ = اللـي مشااهدهـا يغربـل كيانـي ..؟
آخير من رشفـة حليبـن ابوقـوس . = واطعم من اللـي ريحهـا زعفرانـي .
لكن عرفك غير ومشاهـدك كـوس . = يالمركـز الاول ولا انتـه بثـانـي .
ماهب شيخٍ من ملك حفنـة فلـوس . = الشيخ من فعله يحط لـه مكاانـي .؟
لـوه يقااصرنـا وينصـاب بنفـوس . = بنرتكي لـه لـو نهـد لـه مبانـي ..
لانه رجل شرواك حنكـه وناامـوس . = ميّز ولا طـورق لحـون الاغانـي ..
أقولها محسوس واحتـاج ملمـوس . = (طيحة شجاع) ولا(ضحيه زمانـي) .؟
ياليتنـي لامـت ماعنـدي فلـوس . = واكبر غناتي في طمـوح الامانـي ..
من واقع اعيشـه ولانيـب ميئـوس . = إلا اني اضجر من حسـاب الثوانـي .؟

وسلامتكم

[احمد بن جوفآن]

يآ سلآم يآ سلأم

..

.. بو ناادر صح لسانك من سيااااااتل لاااا قطر ..

.. وترجع بالسلامه ان شاء الله ..

.. ولآهنـت ..


.. عادك معزم تستقبلني بالمطار ؟ هههههههههه ..

صح لسانك مره ثانيه ولاهنت يالشاعر ..

[محمد بن دسمه]

المشاركة الأصلية كتبت بواسطة احمد بن جوفآن

يآ سلآم يآ سلأم

..

.. بو ناادر صح لسانك من سيااااااتل لاااا قطر ..

.. وترجع بالسلامه ان شاء الله ..

.. ولآهنـت ..


.. عادك معزم تستقبلني بالمطار ؟ هههههههههه ..

صح لسانك مره ثانيه ولاهنت يالشاعر ..

اررحب يابوخاالد ..

مرحبابك نفداك .

للحين افكر استقبلك في المطار او لا ع حسب يمكن اني مشغول ذاك اليوم

صح بدنك نفداك والله يردك بالسلامه ياغالي

[فهد بن مطلق]

آخير من رشفة حليبن ابوقوس .=واطعم من اللي ريحها زعفراني

صح الله السانك لاكن أعتقد إن هناك بيت او أكثر من بيت ماكتبتهم؟

لاهنت على القصيده الطيبه

[محمد بن دسمه]

المشاركة الأصلية كتبت بواسطة العود

آخير من رشفة حليبن ابوقوس .=واطعم من اللي ريحها زعفراني

صح الله السانك لاكن أعتقد إن هناك بيت او أكثر من بيت ماكتبتهم؟

لاهنت على القصيده الطيبه

اررحب يامشرفنا وشاعرنا

صح بدنك نفداك ..

صحيح في ابيات غير صالحه للنشر

لاهنت ياغالي

[الظبيانيه7]

صح لسانك اخويه


وانا كنت اشجع خالد العجمي

[محمد بن دسمه]

المشاركة الأصلية كتبت بواسطة الظبيانيه7

صح لسانك اخويه


وانا كنت اشجع خالد العجمي

صح بدنش بويه ..

لاهنتي ويستاهل خالد

[سعد بن بصيص ال فنيس]

حجز يابونادر

:
:
:

برررررب

[خالد بن رمثان]

صح لسانك يا محمد بن دسمه..

وقصيده(وااافيه)

وخالد يستاهل كل خير..

وتقبل مروري واحترامي ..

[محمد بن دسمه]

المشاركة الأصلية كتبت بواسطة خالد بن رمثان

صح لسانك يا محمد بن دسمه..

وقصيده(وااافيه)

وخالد يستاهل كل خير..

وتقبل مروري واحترامي ..

ارحب ياخالد ..

صح بدنك نفداك جعلك تسلم

تستاهل كل خير ياغالي

مرحبابك ومسهلا