نبذة عن الحبارى والكروان والارنب

[راكان اليامي]

السلام عليكم ورحمه الله وبركاته,,,وبعد

اقدم لكم هذه المشاركه وعسى ان تنال على اعجابكم وهي بعض من اسماء حالات على مايكون عليه

الصيد فمثلا عندما تطلع الارنب وتهرب ماذا تسمي ؟؟ والكروان ويش حالته في النهار وفي الليل

وهكذا.

ونبدأ اولا :

- الحباري:

هي المفضله لدي الصقار والقانص فهو يفضلها على ماسواها , يعني لو تجي صقار وتقوله فيه 5 كراوين

وفيه حباري ويش تبي؟؟ يقولك على طول: ابي الحباري الكراوين ويش ابيبها جعل القوم اتصيدها.

هذا صحيح يضحي بالكراوين من اجل حبارى, فالحباري تختلف عن الكروان قليل فهي في الليل

تعشي مثل الكروان ولكنها اذا قرب نصف الليل تاخذ لها غطه (غفوه) حتى الصباح (وبعض الحباري

بينما هي نايمه يصيدها ابي الحصين وتروح ضحيه نومه او في مكان عتش اي شجره كثيف فتجد

بعض الحباري وانت تقص جرتها اذا شافت الوعر تتجنبه خوف من الافتراس او الفخ.

واذا اطلعت الشمس تجدها تسير على جهه الشمس قليل ثم تذهب الى حيث شاءت , واذا انتصف النهار

تحبري اي تمشي بتأني وعلى الراحه وهي تطالع لفوق وذلك خوفا من الحوم حوم الطير, لانه لو شافها

حول عليها وهذا احصلت امام عيني.

واذا جاء اعصير تكثر في المشي (هذا اذا كانت عابره اي ماهي رابه في محل معين لان اللي ترب محل

معين ماتتعداها ليلها ونهارها فيه.

واذا احست الحبارى بخوف تجري او تخمر خوف من ان يراها العدو.اي كان انسان ولا طير ولا حيوان.

وجرت الحبارى وهي هاربه تسمي ثرها هارب.(واسمحولي على بعض الالفاظ ماادري هل تشكل لكم

مشكله في القراءه ولكن هذا اللي اقدر عليها.



اما النوع الثاني الذي يفضله الصقار بعد الحبارى فهو :

2-الكروان : يكون في الليل يمشي بحث عن الاكل وهو لايتوقف في الليل ابدا ماغير يدوج بالفياض

لما يظهر عليه نور الصبح فاذا قرب طلوع الفجر بحث عن حصاة او جرم او شجره تكون صغيره

لانه يخايف يلبد تحت اشجره كبيره فيفاجه العدو (ابو الحصين او قطو او كلب او راعي مشعاب) فيختار


الاشياء الصغيره لكي يرى من جميع الجهات.




ويأتي في المرتبه الاخيره :

3-الارنب:

وتاتي المرتبه الثالث للصقار وفيه صقاقير يفضلونها بعد الحبارى والكروان مايقنصونه.

والارنب نفس مخطط الكروان في الليل ساريه وفي النهار رابضه, ماتتحرك في النهار الا يحركها

احد ويستدل على الارنب بجرتها فذوات الخبره يعرفون من حركات ثرها متى هل هي اول الليل

او منتصف الليل او اخره.

والارنب سريعه جدا ويفضولون صيدها بالسلوقي وبعضهم يحب يهد طيره عليها.وتسمى الارنب

اذا طلعت من الشجره تسمى نافج.

اما اذا كانت في القيض فتحصلها وقت الحراره امام زربها(بيت الارنب لانها في الحر تحت لها زرب

لتقي نفسها حراره الشمس) فتشوفها على بعد.

وهي شديده المراوغه من الطير ومن السلوقي .


ومن اسباب التي سوف يساهم في انقراض الارنب وهو السبب الاساسي هو :

التنوار(البحث عنها بالليل بواسطه انوار السياره او الكشاف) ولا ا دري ماهو المسمي لديكم:

وتجد بعض القـنيص الله يهديهم يبحثون عنها بالليل وهي ضعيفه لاتستطيع الهروب امام الكشاف او نور السياره.

ويوجد البعض اللي يهد طيره على الارنب على النور .

اتمنى ان يحوز على رضاكم

[مـحمـد]

شكرااااا راكان موضوع جيد

[راكان اليامي]

العفو
ومشكور على الرد

[جالس بن مبارك]

لا هنت يا راكان

[راكان اليامي]

ولا انت ياذيب

اخيك

[عيد بن شدقان]

راكان اليامي
لا هنت
على المجهود الطيب

[راكان اليامي]

يامرحبا بالراكد
ولا انت يالذيب

اخيك

[ابوحمد الشامري]

لا هنت يا ( راكان ) على هذه المشاركه الرائعه التي اتحفتنا بها وشوقتنا لصيد بس لا جا موسم القنص ماهوب ذا الحين في اللواهيب ولعنة المترس

ابو حمد الشامري

[راكان اليامي]

هلا وغلا بالطش والرش والبيض المفقش

تسلم ولا تندم يابو حمد على الرد