يلعن ابوه شعور ....لابوه احساس..

[الظبيه العنزي]

جربتوا هالشعور المر ..............الله يقلعه..........


تعبت انا انثر هم قلبي على الناس
وتعبت ادور للحقيقه حقيقه

يلعن ابوه شعور لابوه احساس
لاجيت اسوي من جراحي حديقه

شف لي طريقه لاغدي دربنا ياس
تعبت انا ترديد شف لي طريقه

ماعاد ياسع للحزن اي كراس
وما عاد قلبي يحتمل اي ضيقه

شفني رشفت من الغرابيل كم كاس
والصبر مابلت أمانيه ريقه

أكبر مصيبه طيحة انسان حساس
تسوي بعيني موت كل الخليقه

اكذب على نفسي اذاقلت لاباس
والباس اصلا من زهوري رحيقه

ياما تعبت اشحذ من عيوني انعاس
مامر في يومن او بعيني دقيقه

صعبه تشوف بعينك الحلم ينداس
كنك اطفي من دموعك حريقه

الموت ماهو لاانحنى للتعب راس
الموت نفسك لانحنت للخليقه

كل الدروب اشوفها ياس في ياس
سايق عليك الله شف لي طريقه

.......................الانتظار................... .....................ضار.......................... ......................
تقبلو مودتي..,
المفقوعه مرارتها من الانتظار:الظبيه السويلمي الدهمشي العنزي

[بتاااار]

أكبر مصيبه طيحة انسان حساس
تسوي بعيني موت كل الخليقه

اكذب على نفسي اذاقلت لاباس
والباس اصلا من زهوري رحيقه




الله الله



صح السانه عز الله انه صادق



يسلمو على النقل الرائع



قصيده تلامس شعور الكثير


والانتظار ماله حل غير التعب والآلم الله يعينك



تقبلي المروري

[الظبيه العنزي]

يالله حي البتار .......تدري اسمك يشجعني اني استعيره واطير راس من فاقع مرارتي


لكن علي قولتك الصبر: "صبرٌ جميل والله المستعان على ماتصفون"

التعب ماهو تعب جسم وعظام
التعب لما تحب وتنجرح

والعمى ماهو ظلامن في ظلام
العمى طعنه تجي وانت بفرح