سلمتـه الـروح وأغليتـه علـى البـدّه=يرعا مفالي حشـاي .. ويـارد عـدوده مطلق بن شويه

[رجـم بـذال]

السلام عليكم ورحمة الله وبركاته


نتواصل


مع احدى

روائع مطلق بن شويه

الصدر ممحل غرام .. ومرتـوي صـدّه=والعين غصن السهر فيها ثنـى عـوده
لولاي رجل ٍ محـد وايـق علـى سـدّه=فضحني الشوق في باسـه ومجهـوده !!
أدلّـه البـال بيـن الضيـق والـشـدّه=الوقـت دوّار .. والأعمـار مـحـدوده
لـو كـل واحـد يجـي ودّه علـى ودّه=ماطال صبر العقيم لشـوف مولـوده !!
راعي القناعه ليـا مـن الزمـن حـدّه=يرضى بحـظ ٍ ذخـر جـوده وماجـوده
يابيض الأحـلام لاتمسيـن مسـودّه !!=بشايرك فـي نواصـي الخيـر معقـوده
حي الله اللي عليـه القلـب مـن مـدّه=كنّـه سحـاب ٍ يمـد يديـه للـسـوده
أبطـى وحـس الضلـوع يقـول لابـدّه=رجله على الدرب !! وعيونه على العوده
إيّ بالله أقبل جفـول الريـم مـن قـدّه=يشيـل روض الجمـال بكـامـل وروده
كنّه بيجـزم ولْـه !! وأنـا علـى حـدّه=وأغضيت شوفي يمين شوي .. ياكوده ..
.. إليا تمثنـى قفـص صـدري ولا ردّه=ما ياخذ القلب في رمحين من سـوده !!
اللي قلـوب أكثـر العشّـاق فـي يـدّه=تسعـى لغاياتـه .. وتطّمـح لمقصـوده
لو كان ماهيـب ورث ابـوه عـن جـدّه=لكنّهـا كسـب حجانـه وعنـقـوده !!
سلمتـه الـروح وأغليتـه علـى البـدّه=يرعا مفالي حشـاي .. ويـارد عـدوده
من كثر مـا أتـوق لـه وأغليـه وأودّه=تنقص مقامات بعض النـاس مـن زوده
عليـه الأشـواق .. محتـرّه ومـبـردّه=ويلي على نفحة النسنـاس مـن نـوده
ما والله أقسى على العاشق مـن الصـدّه=الا أن كبـده بحـد المـوس مـقـدوده
لكنّـه العشـق لامـن زاد عـن حــدّه=ياكثـر ماياخـذ !! ويـاقـل مــردوده
أن حطّك براسه .. ونـواك مـن جـدّه=مايحتـرم نفسـه !! ولايمسـك حـدوده
فيه التناقض وجمع الضد مـع ضـدّه !!=حاجات معدومـه .. وحاجـات موجـوده
الله عطا (السوده) اللي ماعطـا (جـدّه)=والله عطا (جدّه) اللي ماعطـا (السـوده)

[وكيل آدم]

رجم بذال




كعادتك لا تختار إلآ مالذ وطاب لقتناص أذواق الألباب ههههههههه كني قمت اتبقط

[رجـم بـذال]

المشاركة الأصلية كتبت بواسطة وكيل آدم

رجم بذال




كعادتك لا تختار إلآ مالذ وطاب لقتناص أذواق الألباب ههههههههه كني قمت اتبقط

وكيل ادم



كالعاده اطلالتك ومرورك كأنها شمس النهار


<=-- تبقاطن مهوب تبقاطك

لاهنت على المرور

[ناصـر محمد المجروب]

ياسلااام ..

قصيده فاخره ماشاء الله ..

لا هنت على النقل ..

بإنتظار جديدك ..

[رجـم بـذال]

ناصر المجروب


والفاخر طلتك


ومرحبابك ولاهنت على المرور

[بنــ ياااام ــت]

مطلق بن شويه

مبدع في شعره

وانت مبدع في اختياراتك

يعطيك العافيه على النقل

[امل محمد]

لكنّه العشق لامن زاد عن حدّه
ياكثر ماياخذ !! وياقل مردوده

لله دركك يالشاعركم كم انت جزل حكمه مرصعه بالاماس


سيدي الفاضل بيض الله وجهك ملايين ولايكفون اختيار موفق وطيب


تقبل مروري واحترامي

اخت ارجال

[هــــــــــادي]

الله الله عليك

صح الله لسان السبيعي واعتلىى شانه

ولاهنت يارجم

واهنيك على الذاثقه المميزه





أحــترامي

[s3odi]

لله درك يارجم


صح لسان بن شويه


اختيار رائع



لاهنت على النقل

[بنت الزعبي ..]

هالله هالله قصيده عذبه
وصح لسان كاتبها وناقلها
ويعطيك العافيه وتسلم أإيدينك ع النقل الراقي
والله لا يحرمنا منك ولا من جديدك
تقبل حضورى المتواضع